မြေအောက်ကေဘယ်ကြိုး မသမာသူများ ဖြုတ်ခိုးရန် ကြံစည်

ရန်ကုန် မတ် ၂ 

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်အတွင်း ဓာတ်အားပို့လွှတ်ပေးထားသော 66kV သာကေတ-သီတာ ၂ ဓာတ်အားလိုင်း၏ Under Ground Cable ဓာတ်ကြိုးကို မသမာသူများက ဖြတ်တောက်ခိုးယူရန် လုပ်ဆောင်ခဲ့မှုကြောင့် 66kV သာကေတ-သီတာ ၂ ဓာတ်အားလိုင်းသည် ယမန်နေ့ ၉နာရီခွဲ ခန့်က မင်္ဂလာတောင်ညွန့် မြို့နယ်အတွင်းရှိ လျှပ်စစ်ဓာတ်အား ပြတ်တောက်ခဲ့သည်။

မသမာသူများက ဖြတ်တောက်ခိုးယူရန် လုပ်ဆောင်ခဲ့၍ ပျက်စီးချို့ယွင်းသွားသော မြေအောက်ဓာတ်ကြိုးနေရာကိုရန်ကုန် လျှပ်စစ်ဓာတ်အားပေးရေး ကော်ပိုရေးရှင်း၊ မြေအောက်ဓာတ်ကြိုး ဌာနနှင့်မင်္ဂလာတောင်ညွန့်မြို့နယ် လျှပ်စစ်ရုံး ဝန်ထမ်းများက အလျင်အမြန် ပြုပြင်ဆောင်ရွက်လျက်ရှိကြောင်းနှင့် အရေးကြီး နေရာများ လျှပ်စစ်ဓာတ်အားပြတ်တောက်မှုမရှိစေရန် စီစဉ် ဆောင်ရွက်လျက်ရှိကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက ယနေ့နံနက်ပိုင်းတွင်အသိပေးထုတ်ပြန်ထား သည်။

CN-014