အစ္စတန်ဘူလ် ဖေဖော်ဝါရီ ၆
တူရကီနိုင်ငံ၏ ငွေကြေးဖောင်းပွမှုသည် ၂၀၀၂ ဧပြီနောက်ပိုင်းစာရင်းများအရ ယခု ၂၀၂၂ ခုနှစ်၊ ဇန်နဝါရီတွင် အမြင့်ဆုံးအနေအထားသို့ ရောက်ရှိလာပြီး စားသုံးသူများ၏ ဝယ်ယူမှုစွမ်းအားကျဆင်းခဲ့ကာ ဘဏ္ဍာရေးအကျပ်အတည်းနှင့် ရင်ဆိုင်နေရကြောင်း သိရသည်။
စားသုံးသူများစျေးနှုန်းသည် ခန့်မှန်းထားသည့် ပမာဏ ၄၈ ဒသမ ၇ ရာခိုင်နှုန်းထက်ပိုမိုမြင့်တက်လာခဲ့ပြီး ၂၀၂၀ ခုနှစ်၊ ဒီဇင်ဘာလထက် ၃၆ ဒသမ ၁ ရာခိုင်နှုန်းမြင့်တက်လာခဲ့ကြောင်း တူရကီစာရင်းအင်းရုံး အေဂျင်စီ၏ဖော်ပြချက်အရ သိရသည်။
ယခုကဲ့သို့ အခြေအနေများဆိုးရွားလာမှုသည် တူရကီသမ္မတ ရီဆတ်တာရိအီရ်ဒိုကန်အနေဖြင့် စာရင်းအင်းအေဂျင်စီ ရုံးအကြီးအကဲကို ၂၀၁၉ ခုနှစ်နောက်ပိုင်း ရာထူးပြောင်းလဲမှု လေးကြိမ်တိုင်တိုင်ပြုလုပ်ပြီးမှ ဖြစ်လာခြင်းဖြစ်သည်။
ယခင် အေဂျင်စီအကြီးအကဲ အီရ်ဒါလ်းဒင်ဆာသည် ရာထူးကို ၁၀ လသာ တာဝန်ထမ်းဆောင်လိုက်ရပြီး ယင်းကို အီရ်ဟန်းစိတင်ကာယာနှင့် အစားထိုးပြောင်းလဲထားသည်။
(Ref:Reuters)