မြို့နယ်မြစိမ်းရောင်ကျေးလက်စီမံကိန်းလုပ်ငန်း ဆောင်ရွက်မှုများ
သရက် ဇန်နဝါရီ ၂၃
မကွေးတိုင်းဒေသကြီး၊ သရက်ခရိုင်ကျေးလက်ဒေသဖွံ့ဖြိုး တိုးတက်ရေးဦးစီးဌာနက သရက်ခရိုင်အတွင်း မြို့နယ်ခြောက်မြို့ နယ်ရှိ ကျေးရွာပေါင်း ၃၃ ရွာ၌ ကျေးရွာဖွံ့ဖြိုးရေးလုပ်ငန်းများကို ဒီဇင်ဘာပထမပတ်က စတင်အကောင်အထည်ဖော်ဆောင်ရွက်ရာ ယခုအခါ ၈၀ ရာခိုင်နှုန်းကျော်ပြီးစီးနေပြီဖြစ်သည်။
ယင်းစီမံကိန်း(VDP)ကို သရက်ခရိုင်အတွင်းရှိ မြို့နယ် ခြောက်မြို့နယ်ရှိ ကျေးရွာပေါင်း ၃၃ ရွာ၌ ကျေးရွာတစ်ရွာလျင် ကျပ်သိန်း ၁၀၀စီဖြင့် ကျပ်သိန်း ၃၃၀၀ ရင်းနှီးမြှုပ်နှံပြီး ကျေးရွာ ပြည်သူလူထုထည့်ဝင်ငွေကျပ် ၁၉၃ ဒသမ ၃၄ သိန်း၊ လုပ်အားတို့ဖြင့် ကျေးရွာဖွံ့ဖြိုးရေးလုပ်ငန်းများကို အကောင်အထည်ဖော်ဆောင် ရွက်လျက်ရှိသည်။ ကိုလှိုင်(ကျေးလက်)
