ကျန်းမာရေးပြည်ထောင်စုဝန်ကြီး ရန်ကုန်ရှိ Quarantine Hotel များမှ တာဝန်ရှိသူများနှင့်တွေ့ဆုံ

ရန်ကုန်  ဇန်နဝါရီ  ၁၄

ကျန်းမာရေး ဝန်ကြီးဌာန ပြည်ထောင်စုဝန်ကြီး ဒေါက်တာ သက်ခိုင်ဝင်း၊ ရန်ကုန်တိုင်း ဒေသကြီး ကိုဗစ်-၁၉ ထိန်းချုပ် ရေးနှင့် အရေးပေါ်တုံ့ပြန်ရေး ကော်မတီ ဥက္ကဋ္ဌ ရန်ကုန်တိုင်း ဒေသကြီးအစိုးရအဖွဲ့ ဝန်ကြီးချုပ် ဦးလှစိုး၊ ရန်ကုန်တိုင်းစစ်ဌာနချုပ် တိုင်းမှူး ဗိုလ်ချုပ်ညွန့်ဝင်းဆွေ နှင့်ဌာနဆိုင်ရာ တာဝန်ရှိသူများ သည် ယနေ့ နံနက် ၁၀ နာရီက တိုင်းဒေသကြီး အစိုးရအဖွဲ့ရုံး၊ အစည်းအဝေးခန်းမ၌ တိုင်းဒေသ ကြီးအတွင်းရှိ Quarantine Hotel များမှ တာဝန်ရှိသူများ နှင့်တွေ့ဆုံသည်။

တွေ့ဆုံပွဲတွင် ကျန်းမာရေး ဝန်ကြီးဌာန ပြည်ထောင်စု ဝန်ကြီး ဒေါက်တာသက်ခိုင်ဝင်း၊ ရန်ကုန်တိုင်းဒေသကြီး ကိုဗစ်-၁၉ ထိန်းချုပ်ရေးနှင့်အရေးပေါ် တုံ့ပြန်ရေးကော်မတီ ဥက္ကဋ္ဌ တိုင်းဒေသကြီး အစိုးရအဖွဲ့၊ ဝန်ကြီးချုပ် ဦးလှစိုးနှင့် ရန်ကုန် တိုင်းစစ်ဌာနချုပ် တိုင်းမှူး ဗိုလ်ချုပ် ညွန့်ဝင်းဆွေတို့က အမှာစကားပြောကြားကြသည်။

ထို့နောက် အစည်းအဝေး တက်ရောက်လာသူများက အထွေ ထွေ ဆွေးနွေးကြပြီး ကျန်းမာရေး ဝန်ကြီးဌာန ပြည်ထောင်စုဝန်ကြီး ဒေါက်တာ သက်ခိုင်ဝင်းက နိဂုံးချုပ်စကားပြောကြားသည်။

ဆန်းကျော်ဦး(ပြန်/ဆက်)