မိုင်းယောင်း ဇန်နဝါရီ ၉
တာချီလိတ်ခရိုင်၊ မိုင်းယောင်းမြို့နယ်၌ ရေညှိကြော်ဝယ်ယူ စားသုံးသူပိုများလာ၍ တစ်ပိုင်တစ်နိုင်ရေညှိခြောက်ပြုလုပ် ရောင်းချသူများ အပိုဝင်ငွေရရှိနေသည်။ ချောင်းရေညှိနှင့်ကန် ရေညှိအနက် ချောင်းရေညှိကိုရောင်းချရာ ကောက်ညှင်းပေါင်းနှင့် စားသုံးကြသည်။ ရေညှိခြောက်သုံးချပ်လျှင် ကျပ် ၅၀၀၊ ရေညှိကြော် တစ်ထုပ်လျှင် ကျပ် ၁၀၀၀ ဖြင့်ရောင်းကြသည်။
ဆောင်းရာသီ ဒေသရိုးရာအစား အစာရေညှိခြောက်ကို ယခင်က သက်ကြီးပိုင်းများသာ ဝယ်ယူစာသုံးကြရာမှ ယခုအခါ လူငယ်များ သာမကဘုရားဖူး ဧည့်သည်များကလည်း အရသာထူးကဲသော မိုင်းယောင်းရေညှိခြောက်ကို အထူးကြိုက်နှစ်သက်ကြသည်။ ၅၀၅