ဖားကန့်မြို့ ရေကန်အတွင်း ပျောက်ဆုံးနေသည့် ရေမဆေးကျောက်ရှာ အမျိုးသား ငါးဦး ရုပ်အလောင်း တွေ့ရှိ
ရန်ကုန် ဒီဇင်ဘာ ၂၄
ကချင်ပြည်နယ် ဖားကန့်မြို့နယ်၊ သာယာကုန်းကျေးရွာရှိ စိန်စိန်လုပ် ကွက်တွင် ဒီဇင်ဘာ ၂၂ ရက် နံနက် ၄ နာရီက အမြင့်ပေ ၂၀၀ ခန့်မှ မြေစာပြိုကျ၍ ရေမဆေး ကျောက်ရှာ ဖွေသူ ၁၀၀ ခန့် ရေကန် အတွင်းပြုတ်ကျ ပျောက်ဆုံးမှုဖြစ်ပွား ရာဖားကန့်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ လုံးခင်း နယ်မြေမီးသတ်စခန်း သန္ဓေမီး သတ် တပ်ဖွဲ့ဝင်များ၊ လုံးခင်းကျေးရွာ အရန်မီးသတ်စခန်းမှ အရန်မီးသတ် တပ်ဖွဲ့ဝင်များဖြင့် ရှာဖွေကယ် ဆယ်ရေး လုပ်ငန်းများ ဆောင်ရွက်ခဲ့ရာ ယမန်နေ့ အထိ သေဆုံးသူ အမျိုးသား ငါးဦး၏ ရုပ်အလောင်းများ ရှာဖွေတွေ့ရှိသည်။
အောင်သူရ
