မုဒုံ၊ ဒီဇင်ဘာ ၂၀
မွန်ပြည်နယ်၊ မုဒုံမြို့နယ် ဝက်တဲ ကျေးရွာ ရွာအဝင်လမ်းတွင် ဒီဇင်ဘာ ၁၉ ရက် နံနက် ၁၀ နာရီခန့်က မီးဖိုမီးကြွင်း မီးကျန်မှတစ်ဆင့် နေအိမ်နှစ်လုံးမီး လောင်မှုဖြစ်ပွားသည်။
ဖြစ်စဉ်မှာ အဆိုပါကျေးရွာရှိအိမ် ရှင်ဒေါ်ပိန်နေအိမ်၏ မီးဖို၊ မီးကြွင်း၊ မီး ကျန်မှတစ်ဆင့် အနီးရှိပျဉ်ကာသို့ မီး ကူးစက်လောင်ကျွမ်းခဲ့ပြီး မီးလောင်မှု ကြောင့် ၁၅ x ၃၅ ပေ သွပ်မိုး၊ ပျဉ်ကာ၊ ပျဉ်ခင်းနေအိမ် တစ်လုံးအနီးရှိ ၁၅ x ၄၀ ပေ သွပ်မိုး၊ ပျဉ်ကာ၊ ပျဉ်ခင်းနေအိမ် တစ်လုံး စုစုပေါင်းနေအိမ်နှစ်လုံးမီး လောင်မှုဖြစ်ပွားသည်။
မီးလောင်မှု ဖြစ်ပွားရာနေရာသို့ မုဒုံမြို့နယ် မီးသတ်ဦးစီးမှူးစောစိုးစိုး မြင့်ဦးဆောင်၍ မီးသတ်တပ်ဖွဲ့ဝင် ၁၀ ဦး၊ အရန် ၇ ဦး၊ ကျေးရွာသူ၊ ကျေးရွာ သားများနှင့် ပရဟိတအသင်းများ ပူးပေါင်း၍ မီးငြှိမ်းသတ်ယာဉ်နှစ်စီး၊ ရေသယ်ယာဉ်သုံးစီးတို့ဖြင့် ဝိုင်းဝန်း မီးငြှိမ်းသတ်ခဲ့ရာ နံနက် ၁၀ နာရီ မိနစ် ၄၀ အချိန်တွင် မီးလုံးဝငြိမ်းသွားခဲ့ပြီး လူနှင့်တိရစ္ဆာန်ထိခိုက်ဒဏ်ရာရရှိသူနှင့် သေဆုံးသူမရှိကြောင်း သိရသည်။
အဆိုပါ မီးလောင်မှုနှင့်ပတ်သက်ပြီး သက်ဆိုင်ရာက စုံစမ်းစစ်ဆေးအရေးယူ ဆောင်ရွက်မှုများ လုပ်ဆောင်လျက်ရှိ သည်။ အောင်မျိုးသူ(ပြန်/ဆက်)