ကိုဗစ်ကာကွယ်ဆေးအပြည့်အ၀ထိုးထားသူများတွင် အာဖရိက ကိုဗစ်-၁၉ မျိုးကွဲအသစ် ကူးစက်ခံရမှုတွေ့ရှိ

ဂါဘရိုနီ    နိုဝင်ဘာ  ၂၇

B.1.1.529 ဟု လူသိများသော အာဖရိကမျိုးကွဲ ကိုဗစ်-၁၉ ဗိုင်းရပ် ကူးစက်ခံရသူလေးဦးကို နိုင်ငံအတွင်း တွေ့ရှိခဲ့ကြောင်း ဘောဆွာနာသမ္မတ ၏  ကိုဗစ်-၁၉ အလျင်အမြန် အရေးယူ ဆောင်ရွက်ရေးအဖွဲ့က အစီရင်ခံစာ တစ်ခုကို နိုဝင်ဘာ ၂၇ ရက်ကထုတ်ပြန် လိုက်သည်။ 

အဆိုပါအစီရင်ခံစာတွင် ကူးစက်ခံ ရသူ လေးဦးစလုံးမှာ    ကိုဗစ်-၁၉ ကာကွယ် ဆေးအပြည့်ထိုးထားကြောင်း ဖော်ပြ ထားသည်။ လက်ရှိအချိန်အထိ ဘော့ဆွာနာတွင် ကိုဗစ်-၁၉ ကူးစက်ခံ ရသူ ၁၉၄,၉၀၉ ဦး၊ သေဆုံးသူ ၂,၄၁၆  ဦးနှင့် ပြန်လည်ကောင်းမွန်လာသူ ၁၉၁,၉၆၁ ဦး ရှိနေပြီဖြစ်သည်။ 

ဘော့ဆွာနာတွင် လူဦးရေ ၂ ဒသမ ၅၃ သန်းရှိရာ ကိုဗစ်-၁၉ ကာကွယ်ဆေးကို လူပေါင်း ၁ ဒသမ ၅၃ သန်းတွင် ထိုးပေးခဲ့ပြီးဖြစ်သည်။ 

အဆိုပါထုတ်ပြန်ချက်တွင် ယခု တွေ့ရှိမှုမှာ ပုံမှန်ခရီးသွားလာမှု အကြို စစ်ဆေးမှုအတွင်း ခရီးသည်များ အကြား ကိုဗစ်-၁၉ ရောဂါပိုးတွေ့ရှိ ခဲ့သည်။                 မျိုးဝင်း(Ref:BBC)