မကွေး နိုဝင်ဘာ ၂၄
မကွေးခရိုင်အတွင်း ကျေးလက်ဒေသဖွံ့ဖြိုးတိုးတက်ရေး ဦးစီးဌာနက အကောင်အထည်ဖော် ဆောင်ရွက်မည့် ကျေးလက် ရေပေးရေးနှင့်ကုန်ထုတ်လမ်းတံတားလုပ်ငန်းများ ၂၀၂၁ -၂၀၂၂ ဘဏ္ဍာရေးနှစ် ခြောက်လဘတ်ဂျက်အတွက် ပထမ အကြိမ် တင်ဒါအောင်မြင်သည့် ကုမ္ပဏီများ၊ မြို့နယ်ဦးစီးမှူးများ၊တာဝန်ခံ အင်ဂျင်နီယာများ လုပ်ငန်းညှိနှိုင်းအစည်းအဝေးကို နိုဝင်ဘာ ၂၂ ရက် နံနက် ၉ နာရီက ခရိုင်ကျေးလက်ဒေသဖွံ့ဖြိုး တိုးတက် ရေးဦးစီးဌာန အစည်းအဝေးခန်းမ၌ ကျင်းပသည်။
အစည်းအဝေးတွင် မကွေးခရိုင်ကျေးလက်ဒေသ ဖွံ့ဖြိုးတိုး တက် ရေးဦးစီးဌာန ခရိုင်ဦးစီးမှူး ဦးကျော်ဇောဟိန်းက တင်ဒါအောင်မြင် သည့်ကုမ္ပဏီများအနေဖြင့်သတ်မှတ် စံချိန်စံညွှန်းများနှင့်အညီ၊ အချိန်မီပြီးစီးရေး အလေးထားဆောင်ရွက်ကြရန်၊ အချိန်နှင့် တစ်ပြေးညီ တင်ပြသွားရန်၊ အခက်အခဲများရှိပါက ပေါင်းစပ်ညှိနှိုင်း ဆောင်ရွက်ပေးသွားမည်ဖြစ်ကြောင်း ရှင်းလင်းပြောကြားသည်။
ကျော်ဆန်း