ကိုဗစ်-၁၉ ကာကွယ်ဆေး တန်းတူညီမျှဝယ်ယူရရှိရေး G-20 ကုန်သွယ်ရေးဝန်ကြီးများ အားပေး
ဘေကျင်း အောက်တိုဘာ ၁၄
ကိုဗစ်-၁၉ ကပ်ရောဂါ ချမှတ်ထားသည့် ကန့်သတ်ချက်အချို့ကိုဖြေလျှော့ပြီး၊ ကိုဗစ်-၁၉ ကာကွယ်ဆေးကို ညီတူညီမျှ ပေးဝယ်ကာ ကုန်သွယ်ရေးကို ပွင့်လင်း မြင်သာမှုရှိရှိလုပ်ဆောင်သွားမည်ဖြစ်ကြောင်း G20 ၏ ကုန်သွယ်ရေးဝန်ကြီးများက ကတိပေးထားသည်။
ကိုဗစ်-၁၉ ကာကွယ်ဆေးထိုးဆေး ၆ ဘီလီယံကျော် ထုတ်လုပ်နိုင်ပြီဆိုသော် လည်း ဆင်းရဲသည့် နိုင်ငံများက လူဦးရေ ၁ ဒသမ ၄ ရာခိုင်နှုန်းသာ ကာကွယ်ဆေး ထိုးရသေးကြောင်း၊ ချမ်းသာသည့် နိုင်ငံများတွင်မူ လူဦးရေ ၅၈ ရာခိုင်နှုန်း ကာကွယ် ဆေးထိုးပြီးပြီဖြစ်ကြောင်း ကမ္ဘာ့ကုန်သွယ်ရေးအကြီးအကဲ ငိုဇီအီဝီလားက ပြော သည်။
လာမည့် နိုဝင်ဘာ ၃၀ မှ ဒီဇင်ဘာ ၃ ရက်နေ့အထိ ဂျနီဗာတွင် ကျင်းပမည့် ကမ္ဘာ့ ကုန်သွယ်ရေးဝန်ကြီးများ အစည်းအဝေးတွင် အဖွဲ့ဝင်နိုင်ငံများအနေဖြင့် ကိုဗစ်-၁၉ ကပ်ရောဂါကို ထိရောက်စွာတုံ့ပြန်မှုနှင့် ကာကွယ်ဆေးညီမျှစွာပေးဝယ်ရေးတို့ အပေါ် သဘောတူမှုရရှိရန် တိုက်တွန်းထားကြောင်း သိရသည်။
မျိုးဝင်း (ref:AFP)
