ကျိုက်ထို၊ အောက်တိုဘာ ၉
မွန်ပြည်နယ်၊ ကျိုက်ထိုမြို့နယ်အတွင်းရှိ ဆံတော်ရှင် ကျိုက်ထီးရိုးစေတီတော်မြတ်ကြီးကို ဘုရားဖူးမိဘပြည်သူများ ဖူးမြော်ကြည်ညိုနိုင်ရန် ပြန်လည်ဖွင့်လှစ်ပေးထားပြီဖြစ်ကြောင်း သိရသည်။ ကျိုက်ထီးရိုးစေတီတော်မြတ်ကြီးသို့ လာရောက်ဖူးမြော် ရာတွင် ဘုရားဖူးလာကြသူများအနေဖြင့် ကျန်းမာရေးဝန်ကြီးဌာနမှ ထုတ်ပြန်ထားသည့် ကိုဗစ်- ၁၉ ရောဂါဆိုင်ရာ လမ်းညွှန်မှာကြားချက် များကို စနစ်တကျ လိုက်နာဆောင်ရွက်ရမည်ဖြစ်ကြောင်း ထုတ်ပြန် ကြေညာထားသည်။
ထို့ပြင် ယခု သီတင်းကျွတ်လပြည့်နေ့တွင် ကျိုက်ထီးရိုးတောင် တော် ဖွင့်ပွဲပြုလုပ်သွားမည်ဖြစ်ပြီး မွန်ပြည်နယ်ဝန်ကြီးချုပ်အနေ ဖြင့် အစိုးရအဖွဲ့ဝင်ဝန်ကြီးများ၊ ဌာနဆိုင်ရာ တာဝန်ရှိသူများနှင့် အတူ ဖွင့်ပွဲပြုလုပ်ရေးအတွက် ဆွေးနွေးညှိနှိုင်းမှုများ ပြုလုပ်လျက် ရှိကြောင်း သိရသည်။
ဆံတော်ရှင် ကျိုက်ထီးရိုးစေတီတော် (သီတင်းကျွတ်လပြည့်) ဗုဒ္ဓပူဇနိယပွဲတော်ရာသီ ဖွင့်လှစ်နိုင်ရေးအတွက် ကိုဗစ်-၁၉ ရောဂါ ကြိုတင်ကာကွယ်ရေး သတ်မှတ်စည်းကမ်းချက်များနှင့်အညီ ရင်ပြင်တော်နှင့် တောင်တက်ဝန်းကျင် သန့်ရှင်းသပ်ရပ် စိမ်းလန်း စိုပြည်စေရေး၊ ဈေးဆိုင်တန်းနှင့် စားသောက်ဆိုင်တန်းများ စနစ်တကျ ဖြစ်စေရေးတို့ကိုလည်း ဆောင်ရွက်ထားပြီးဖြစ်ကြောင်း သိရသည်။ မေဘယ်လ်အောင်