ဘာလင် စက်တင်ဘာ ၂၉
ဂျာမန်ဝန်ကြီးချုပ်အဖြစ်မှ ထွက်ခွာ တော့မည့် အန်ဂျယ်လာမာကယ်လ်၏ ဗဟိုလက်ယာ ပြည်ထောင်စုပါတီနှင့် အနီးဆုံးပြိုင်ဘက်ဖြစ်သည့် လက်ဝဲယိမ်း ဆိုရှယ်ဒီမိုကရက်များသည် ဂျာမန် အမျိုးသားရွေးကောက်ပွဲမှာ မဲအများဆုံး ရရှိခဲ့ကြောင်း သိရသည်။
မဲဆန္ဒနယ် ၂၉၉ ခုလုံး၏ ရေတွက်မှု အရ ဆိုရှယ်ဒီမိုကရက်များမှာ ဆန္ဒမဲ ၂၅ ဒသမ ၉ ရာခိုင်နှုန်းရရှိခဲ့ကြောင်း ရွေးကောက်ပွဲအရာရှိများက ပြောကြား ခဲ့ပြီး အဆိုပါအရေအတွက်မှာ ပြည် ထောင်စုပါတီရရှိသည့် ဆန္ဒမဲ ၂၄ ဒသမ ၁ ရာခိုင်နှုန်း ထက်သာလွန်ခဲ့ကြောင်း သိရသည်။
အလားတူပင် သဘာဝပတ်ဝန်းကျင် ထိန်းသိမ်းရေးပါတီဖြစ်သည့် Greens ပါတီမှာ ၁၄ ဒသမ ၈ ရာခိုင်နှုန်းနှင့် လွတ်လပ်သည့် ဒီမိုကရက်တစ်များက ၁၁ ဒသမ ၅ ရာခိုင်နှုန်းရှိနေခဲ့ကြောင်း၊ ပါတီနှစ်ခုစလုံးမှာ ညွန့်ပေါင်းအစိုးရ ဖွဲ့စည်းရန်အတွက် ပြိုင်ဘက်ပါတီကြီး နှစ်ခုနှင့် သုံးပွင့်ဆိုင်ဆွေးနွေးရန် ဆန္ဒရှိ နေကြောင်းလည်း သိရသည်။
ဂျာမနီအတွက် စတုတ္ထမြောက် မဲပေးခံရမှုတွင် လက်ယာစွန်းပါတီက ၁၀ ဒသမ ၃ ရာခိုင်နှုန်းဖြင့် ထောက်ခံ မှုရခဲ့ပြီး လက်ဝဲပါတီက ၄ ဒသမ ၉ ရာခိုင်နှုန်းသာရရှိခဲ့သည်။ ၁၉၄၉ ခုနှစ် နောက်ပိုင်း ပထမဆုံးအကြိမ်အဖြစ် ဒိန်းမတ်လူမျိုး လူနည်းစုပါတီ SSW က ပါလီမန်တွင် အမတ်နေရာတစ်နေရာ အနိုင်ရရှိရန် သေချာနေကြောင်း ရွေးကောက်ပွဲတာဝန်ရှိသူများက ပြော သည်။ ရဲခေါင်(ref:IndianTimes)