ရန်ကုန် စက်တင်ဘာ ၂၈
ရန်ကုန်တိုင်းဒေသကြီး၊ အင်းစိန်မြို့နယ်အတွင်း သန့်ရှင်း သာယာ လှပစေရန်၊ ရေစီးရေလာ ကောင်းမွန်စေရန်နှင့် ရေမြောင်းများ ပိတ်ဆို့မှုကြောင့် ခြင်များပေါက်ပွားမှုမရှိစေရန် ရည်ရွယ်၍ ဖော့ကန် ရပ်ကွက်၊ပုလဲလမ်းဘေးရှိ အမှိုက်များ၊ ချုံနွယ်များနှင့် မြက်များကို စက်တင်ဘာ ၂၇ ရက် နံနက် ၉ နာရီက ရှင်းလင်းခြင်းများ ဆောင်ရွက် ခဲ့သည်။
အင်းစိန်မြို့နယ်၊စည်ပင်သာယာ အုပ်ချုပ်ရေးမှူး ဦးဝင်းနိုင် ၏ ကြီးကြပ်မှုဖြင့် မြို့နယ်စည်ပင် သာယာရေးဌာန ပတ်ဝန်းကျင် သန့်ရှင်းရေးမှ ၅ ဦး၊ ရေစီးရေလာမှ ၅ ဦး၊ ပန်းဥယျာဉ်မှ ၁၀ ဦး၊ လမ်း/ တံတားမှ ၅ ဦး စုစုပေါင်းဝန်ထမ်း ၂၅ ဦးက လမ်းဘေးရှိအမှိုက် များရှင်းခြင်း၊ ချုံနွယ်များရှင်းခြင်း၊ မြက်များရှင်းခြင်း စသည့်လုပ်ငန်း များကို ဆောင်ရွက်ခဲ့ပြီး အမှိုက်များကို ထိန်ပင်နောက်ဆုံး စွန့်ပစ် အမှိုက်ပုံသို့ စွန့်ပစ်ခဲ့ကြောင်း သိရသည်။ ဇွဲထက်ကို(ပြန်/ဆက်)