ဘေကျင်း စက်တင်ဘာ ၂၈
ထိုင်ဝမ်နိုင်ငံတွင် အဓိက အတိုက် အခံပါတီဖြစ်သည့် ကူမင်တန်ပါတီ၏ ခေါင်းဆောင်အဖြစ် Eric Chu ရွေးချယ်ခံ ရသည့်အပေါ် တရုတ်သမ္မတ Xi Jinping က ချီးကျူးဂုဏ်ပြုလိုက်သည်။
ကူမင်တန်ပါတီ၏ ခေါင်းဆောင် ဖြစ်လာသည့် Eric Chu သည် တရုတ် ခေါင်းဆောင်များနှင့် ကောင်းမွန်သည့် ဆက်ဆံရေး ပြန်လည်စတင်မည်ဖြစ် ကြောင်း ပြောဆိုထားသူဖြစ်သည်။
ထိုင်ဝမ်ရေလက်ကြား၏ အခြေ အနေမှာရှုပ်ထွေးပြီး တင်းမာခက်ထန် နေကြောင်း ပါတီခေါင်းဆောင်သစ် Eric Chu ထံကိုပေးပို့သည့် တရုတ်သမ္မတ Xi Jinping ၏ စာတွင် ဖော်ပြထားသည်။ ကူမင်တန်ပါတီနှင့် တရုတ်ကွန်မြူနစ် ပါတီတို့အနေဖြင့် ကောင်းမွန်သည့် အပြန်အလှန်ဆက်ဆံရေး ရှိခဲ့ကြောင်း၊ ပါတီနှစ်ခုစလုံးသည် ထိုင်ဝမ်ကို သီးခြား လွတ်လပ်သည့်နိုင်ငံအဖြစ် ထူထောင် ရန်ဆန္ဒမရှိသည့် အခြေခံခြင်းလည်း တူညီကြောင်း သတင်းများတွင် ဖော်ပြ သည်။
ကူမင်တန်ပါတီ၏ ခေါင်းဆောင်သစ် Eric Chu ကမူ တရုတ်အစိုးရနှင့် တင်းမာသည့် အခြေအနေများဖြစ်ခဲ့ သည့်အပေါ် သမ္မတ Tsai ၏ မူဝါဒ များကြောင့်ဟု အပြစ်တင်ထားသည်။ ကူမင်တန်ပါတီခေါင်းဆောင် Eric Chu သည် ၂၀၁၆ ခုနှစ် ရွေးကောက်ပွဲကျင်းပ စဉ်က သမ္မတ Tsai ကို မဲအပြတ်သတ် ဖြင့် ရှုံးနိမ့်ခဲ့သူဖြစ်သည်။
ရဲခေါင်(ref: BBC)