ဝါရှင်တန် စက်တင်ဘာ ၁၆
အမေရိကန်သမ္မတ ဂျိုးဘိုင်ဒင်သည် Quad အဖွဲ့၏ ပထမဆုံးအကြိမ် လူကိုယ်တိုင်တက်ရောက်သည့် ထိပ်သီး ဆွေးနွေးပွဲကို စက်တင်ဘာလ ၂၄ ရက် တွင်ကျင်းပမည်ဖြစ်ပြီး အိန္ဒိယဝန်ကြီးချုပ် နာရန်ဒရာမိုဒီ၊ သြစတြေးလျဝန်ကြီးချုပ် စကော့မောရစ်ဆန်နှင့် ဂျပန်ဝန်ကြီးချုပ် ယိုရှီဟိုက်ဒဲဆူဂါတို့ ထိုဆွေးနွေးပွဲ တက် ရောက်မည်ဖြစ်ကြောင်း အိမ်ဖြူတော်က ထုတ်ပြန်ကြေညာလိုက်သည်။
အဆိုပါ ခေါင်းဆောင် ၄ ဦးတို့သည် ဆက်ဆံရေးများ ပိုမိုနက်ရှိုင်းစေရေး၊ Covid တိုက်ဖျက်ရေး၊ ရာသီဥတု ပြောင်းလဲမှုကို ကိုင်တွယ်ရေးနှင့် ပိုမို လွတ်လပ်ပွင့်လင်းသော အင်ဒို-ပစိဖိတ် ဒေသထူထောင်ရေးကဲ့သို့သောနယ်ပယ် များတွင် လက်တွေ့ပူးပေါင်းဆောင် ရွက်မှုမြှင့်တင်ရေးတို့ကို ဆွေးနွေးမည် ဖြစ်ကြောင်း အိမ်ဖြူတော်ပြန်ကြားရေး အကြီးအကဲ ယန်ဆက်ကီ ပြောသည်။
မတ်လအတွင်းက သမ္မတဘိုင်ဒင် သည် Quad ခေါင်းဆောင်များ၏ ပထမအကြိမ် ထိပ်သီးဆွေးနွေးပွဲကို ဗီဒီယိုမှတစ်ဆင့်ကျင်းပခဲ့ပြီး လွတ်လပ်၊ ပွင့်လင်းအားလုံးအကြုံးဝင်ပြီး ဒီမိုကရေစီ တန်ဖိုးများကို အခြေခံသည့် အနိုင် ကျင့်မှုကင်းမဲ့သည့် အင်ဒို-ပိစိဖိတ်ဒေသ ထူထောင်ရန်ကတိပြုခဲ့သောကြောင့် တရုတ်နိုင်ငံသို့ သိမ်မွေ့သော သတင်း စကားပေးပို့လိုက်ခြင်းဖြစ်သည်။ သယံ ဇာတကြွယ်ဝသည့် တောင်တရုတ် ပင်လယ်တွင် တရုတ်နိုင်ငံက သြဇာ ထူထောင်သောအပြုအမူများ တိုးမြှင့် လုပ်ဆောင်နေစဉ်တွင် Quad ထိပ်သီး ဆွေးနွေးပွဲကိုကျင်းပခြင်းဖြစ်သည်။
၂၀၁၇ ခုနှစ် နိုဝင်ဘာလတွင် အိန္ဒိယ၊ ဂျပန်၊ အမေရိကန်ပြည်ထောင်စုနှင့် သြစတြေးလျတို့သည် အင်ဒို-ပစိဖိတ် ဒေသတွင် မည်သည့်သြဇာလွှမ်းမိုးမှု မျှမရှိသော အရေးပါသည့်ပင်လယ်လမ်း ကြောင်းကိုထိန်းသိမ်းထားရန် သေနင်္ဂ ဗျူဟာသစ်အဖြစ် ကာလကြာမြင့်စွာ အဆိုပြုထားသော Quad ကို ထူထောင် ရန်အစီအစဉ်ကို အကောင်အထည်ဖော် ခဲ့သည်။
ရဲခေါင် (ref;AFP)