ရန်ကုန် စက်တင်ဘာ ၁၄
၂၀၂၁ ခုနှစ် သြဂုတ် ၁ ရက်မှ ၃၁ ရက်အထိ မြန်မာနိုင်ငံတစ်ဝှမ်း မီးလောင်မှု ၇၂ ကြိမ်ဖြစ်ပွားပြီး ဆုံးရှုံးမှု တန်ဖိုးမှာခန့်မှန်းခြေကျပ် ၁၀၅ သန်းကျော်ရှိကြောင်း မြန်မာနိုင်ငံ မီးသတ်ဦးစီးဌာန၏ ထုတ်ပြန်ချက် အရသိရသည် ။
သြဂုတ်လအတွင်း မီးလောင်မှု ဖြစ်ပွား ရာတွင် မီးဖိုမီး ၃ ကြိမ် ၊ ပေါ့ဆမီး ၁၀ ကြိမ်၊ အလိုအလျောက်မီး ၃ ကြိမ်၊ လျှပ်စစ်မီး ၂၄ ကြိမ်၊ မသမာသူရှို့မီး ၂၃ ကြိမ်၊ သောင်းကျန်းသူရှို့မီး ၇ ကြိမ်၊ စုံစမ်းဆဲမီးလောင်မှု ၂ ကြိမ် ဖြစ်ပွားခဲ့သည် ။
မီးလောင်မှု ဖြစ်ပွားခြင်းကြောင့် အိမ်ခြေအဆောက်အဦး ၆၀ ၊ စက်ရုံအလုပ်ရုံ ၄ ရုံ၊ ဂိုဒေါင် ၂ လုံး ပျက်စီးဆုံးရှုံးသည် ထို့ပြင်သေဆုံးသူ ၇ ဦး၊ ဒဏ်ရာရသူ ၁၁ ဦးနှင့် မီးဘေးဒုက္ခသည် ၂၄ ဦးရှိသည် ခန့်မှန်းခြေ ဆုံးရှုံးမှုတန်ဖိုးမှာကျပ် ၁၀၅,၀၅၅,၅၀၀ ရှိကြောင်း သိရသည် ။
အောင်သူရ