ဗီယင်ကျန်း၊ စက်တင်ဘာ ၁၀
လာအိုနိုင်ငံရှိ ဆေးဝါးထုတ်လုပ်သူ များက ကိုဗစ်-၁၉ရောဂါအတွက် ဆေး ဖက်ဝင်ပရဆေးများကို ဆေးတောင့် ပုံစံဖြင့် ထုတ်လုပ်မှုစတင်ရန် ကြိုးပမ်း လျက်ရှိကြောင်း သိရသည်။
လာအိုနိုင်ငံ တိုင်းရင်းဆေးဝါးအင် စတီကျု (ITM) က ဆေးဖက်ဝင်ပရဆေး များကို ဆေးတောင့်ပုံစံဖြင့် ထုတ်လုပ် ခြင်း လုပ်ငန်းစဉ် ရောက်ရှိနေပြီဖြစ် ကြောင်း၊ ယခုအခါ ယင်းမှာ ကိုဗစ်-၁၉ ရောဂါကူးစက်ခံရသူ လူနာများကို ကုသရန် အသုံးပြုနေပြီဖြစ်ကြောင်း ကျန်းမာရေး ဝန်ကြီးဌာနအောက်ရှိ ကူးစက်ရောဂါ ထိန်းချုပ်ရေးဦးစီးဌာန ညွှန်ကြားရေးမှူးချုပ် Rattanaxay Phetsouvanh က မြို့တော် ဗီယင်ကျန်း တွင် ပြုလုပ်သည့် သတင်းစာရှင်းလင်းပွဲ ၌ ပြောကြားခဲ့သည်။
လာအိုရှိ ကျန်းမာရေးဝန်ထမ်းများ သည် Champasak နှင့် Savannakhet ပြည်နယ်များတွင် ဆေးဖက်ဝင်ပရဆေးများအသုံးပြုပြီး ကိုဗစ်-၁၉ လူနာ ၄၅၀ ခန့် ကို ကုသပေး နေပြီဖြစ်ကြောင်း Rattanaxay က ပြောသည်။
လာအိုနိုင်ငံ ကျန်းမာရေးဝန်ကြီး ဌာနက စက်တင်ဘာ ၇ ရက် ထုတ်ပြန် ထားချက်အရ ပြည်ပမှ ကိုဗစ်-၁၉ ရောဂါ ကူးစက်မှု ၂၂၁ ဦးထပ်မံတွေ့ရှိခဲ့ပြီး ဒေသတွင်းကူးစက်မှုအသစ် ၈၆ ဦးရှိ ခဲ့ကာ စုစုပေါင်း ကိုရိုနာဗိုင်းရပ်စ် ကူးစက်မှု ၁၆,၃၆၅ ဦးရှိပြီဖြစ်ကြောင်း သိရသည်။
ကပ်ရောဂါမှ ပြန်လည်သက်သာ လာပြီး ဆေးရုံမှပြန်လည်ဆင်းခွင့်ရသူ စုစုပေါင်း ကိုဗစ်-၁၉ လူနာ ၁၁,၃၃၀ ဦးရှိပြီဖြစ်ကြောင်း သတင်းထုတ်ပြန် ထားသည်။ မျိုးဝင်း(ref; Xinhua)