ကိုဗစ်အစီရင်ခံစာကို ပညာရှင်များက မထုတ်ပြန်ဘဲ ထောက်လှမ်းရေးအဖွဲ့က ထုတ်ပြန်ခြင်းအပေါ် တရုတ် ဝေဖန်
ဘေကျင်း ဩဂုတ် ၃၁
အမေရိကန်နိုင်ငံ၏ ကိုဗစ်-၁၉ ရင်းမြစ် အစီရင်ခံစာကို ပညာရှင်များကမထုတ်ပြန်ဘဲ ထောက်လှမ်းရေးအသိုင်းအဝန်းက ထုတ်ပြန်သည်ဆိုသည့်အချက်သည် တလွဲတချော်ဖြစ်နေကြောင်း တရုတ်အမျိုးသားကျန်းမာရေးကော်မရှင် ဒုတိယအကြီးအကဲ ကျုံအီရှင်က ဝေဖန်ပြောဆိုလိုက်သည်။
တရုတ်အစိုးရသည် ကိုရိုနာဗိုင်းရပ်စ်မူလအစကို သိပ္ပံနည်းကျအမြဲတမ်းထောက်ခံခဲ့သော်လည်း အခြားသူများကို အပြစ်တင် ရန်အတွက် ထိုကိစ္စကို ကိရိယာတစ်ခုသဖွယ်အသုံးပြုခြင်းကိုဆန့်ကျင်ကြောင်း ကျုံအီရှင်က ဆက်လက်ပြောသည်။
အမေရိကန် ထောက်လှမ်းရေးအသိုက်အဝန်း၏ ကိုဗစ်-၁၉ မူလရင်းမြစ် အစီရင်ခံစာကို တုံ့ပြန်ရာတွင် ကျုံက ယခုကဲ့သို့ ပြောကြားခြင်းဖြစ်ပြီး အစီရင်ခံစာတွင် ကိုဗစ်-၁၉ ရင်းမြစ်သည် သဘာဝအလျှောက်ဖြစ်သည် သို့မဟုတ် ဓာတ်ခွဲခန်းမှ လွတ်ထွက်သည်ကို တိတိကျကျဖော်ပြထားခြင်းမရှိကြောင်း သိရသည်။
ပညာရှင်များအနေဖြင့် ဆောင်ရွက်မည်ဆိုပါက အမေရိကန်အပါအဝင် ကမ္ဘာတစ်ဝန်းတွင် ကိုဗစ်-၁၉ ရင်းမြစ်ရှာဖွေခြင်းကို ကိုယ်တိုင်ကိုယ်ကျ ထောက်ခံမည်ဖြစ်ကြောင်း တရုတ်အမျိုးသားကျန်းမာရေးကော်မရှင် ဒုတိယအကြီးအကဲ ကျုံအီရှင်က ပြောကြားသည်။
မျိုးဝင်း (Ref : Reuters)
