မနီလာ ဩဂုတ် ၁၇
ဖိလစ်ပိုင်နိုင်ငံ ကျန်းမာရေးဌာန (DOH)က အသက် ၃၅ နှစ်အရွယ်ရှိသူ အမျိုးသမီးတစ်ဦးထံ၌ ကိုရိုနာဗိုင်းရပ်စ် မျိုးဗီဇပြောင်းပိုးဖြစ်သည့် Lambdaပိုး ပထမဆုံးတွေ့ရှိကြောင်း သြဂုတ် ၁၆ ရက်တွင် အတည်ပြုလိုက်သည်။ ယင်း လူနာသည် ရောဂါလက္ခဏာပြသမှု ကြောင့် ၊ ၁၀ ရက်ကြာ သီးခြားခွဲထားပြီး နောက် ပြန်လည်သက်သာကောင်းမွန် လာကြောင်း ဖိလစ်ပိုင်နိုင်ငံကျန်းမာရေး ဌာန(DOH)က ပြောကြားပြီး ဖြစ်ပွား မှုကို စုံစမ်းစစ်ဆေးခြင်းနှင့် ခြေရာခံခြင်း များ ပြုလုပ်နေကြောင်း ထည့်သွင်းပြော ကြားခဲ့သည်။
Lambda မျိုးဗီဇပြောင်းပိုးကို ကမ္ဘာ့ ကျန်းမာရေးအဖွဲ့အစည်းကစိတ်ဝင် စားဖွယ်မျိုးဗီဇသစ်အဖြစ် သတ်မှတ်ခဲ့ သည်။ ဖိလစ်ပိုင်နိုင်ငံ ကျန်းမာရေး ဌာန(DOH)ကမူ Lambda မျိုးဗီဇ ပြောင်းပိုးသည် SARS-CoV-2 ကူးစက် နိုင်မှုကို အကျိုးသက်ရောက်သည့် အလား အလာရှိကြောင်းနှင့် လတ်တလောတွင် ဖြစ်နိုင်သော ဆေးဝါးကုသမှုဆိုင်ရာ လက်တွေ့အရေးပါမှုကို စောင့်ကြည့် လျက်ရှိကြောင်း ပြောကြားခဲ့သည်။
ဖိလစ်ပိုင်နိုင်ငံ ကျန်းမာရေးဌာန (DOH)က ဩဂုတ် ၁၅ ရက်တွင် COVID-19 လူနာသစ် ၁၄,၇၄၉ ဦး စစ်ဆေးတွေ့ရှိကြောင်း ကြေညာခဲ့ပြီး ၂၀၂၀ ပြည့်နှစ် ဇန်နဝါရီလက ရောဂါ ဖြစ်ပွားမှုစတင်ချိန်မှစ၍ တစ်ရက်တည်း တွင် ကူးစက်မှုအရေအတွက် ဒုတိယ အမြင့်ဆုံးဖြစ်ကြောင်း သိရသည်။
ရဲခေါင် (ref; BBC)