ပို့စ်အော့ပရင့်စ် ဩဂုတ် ၁၆
အမေရိကန် ဘူမိဗေဒလေ့လာရေး အဖွဲ့က ဟေတီနိုင်ငံတွင် ပြင်းအား ၇ ဒသမ ၂ ရှိသော ငလျင်တစ်ခုလှုပ်ခတ် ခဲ့ပြီး အဆိုပါငလျင်ကြောင့် ပျက်စီး ဆုံးရှုံးမှု ရှိခဲ့ကြောင်း ထုတ်ပြန် လိုက် သည်။
USGS ၏ အဆိုအရ ငလျင်မှာ ပီတစ်ဒရိုဒီနီပီစ်မြို့မှ ၈ ကီလိုမီတာ အကွာ မြေအောက်အနက် ၁၀ ကီလို မီတာကိုဗဟိုပြုပြီးလှုပ်ခဲ့ကာ ဥရောပ-မြေထဲပင်လယ် ငလျင်ဗဟိုဌာန (EMSC) က ဒေသတွင်း၌ စနေနေ့ကပြင်းအား ၇ ဒသမ ၆ ရှိ ငလျင်တစ်ခု လှုပ်ခတ်ခဲ့ ကြောင်း အစီရင်ခံထားသည်။
နိုင်ငံတစ်ဝန်းလုံးတွင် ငလျင် ကြာရှည်စွာလှုပ်ခတ်သွားပြီး ကျွန်း၏ အနောက်တောင်ဘက်ကျွန်းဆွယ်၌ အဆောက်အအုံများ ပျက်စီးမှုများရှိခဲ့ ကြောင်း မျက်မြင်သက်သေများ၏ ဓာတ်ပုံများကို ကိုးကား၍ အေအက်ဖ်ပီ သတင်းဌာနက ဖော်ပြသည်။
ထို့ပြင် အဆိုပါအင်အားပြင်းဟေတီ ငလျင်လှုပ်ခတ်ပြီးနောက် အမေရိကန် ဆူနာမီသတိပေးစနစ်အတိုင်း ဆူနာမီ သတိပေးချက်ကို ထုတ်ပြန်ခဲ့သည်။
ရဲခေါင် (ref; Reuters)