သင်္ဃန်းကျွန်းမြန်မာစီးပွားရေးဘဏ်တွင် ပင်စင်လစာငွေများ ပုံမှန်ထုတ်ပေးလျက်ရှိ

ရန်ကုန်  ဇူလိုင်  ၂၉

ရန်ကုန်တိုင်းဒေသကြီး၊ အရှေ့ပိုင်း ခရိုင်၊ သင်္ဃန်းကျွန်းမြို့နယ်၊ မြန်မာ့ စီးပွားရေးဘဏ်တွင် အငြိမ်းစားဝန်ထမ်း များ၏ ပင်စင်လစာငွေများကို ဇူလိုင် ၂၆ ရက်မှစတင်၍ ပုံမှန်အတိုင်း ထုတ် ပေးလျက်ရှိကြောင်း သိရသည်။

ပင်စင်လစာများ ထုတ်ပေးရာတွင် ကိုဗစ်-၁၉ ရောဂါ ကာကွယ်ရေး အတွက် ကျန်းမာရေးနှင့် အားကစား ဝန်ကြီးဌာန၏ လမ်းညွှန်ချက်များနှင့် အညီ လူစုလူဝေးမဖြစ်ပေါ်စေရေးနှင့် အငြိမ်းစားဝန်ထမ်းများ အဆင်ပြေစွာ ထုတ်ယူနိုင်ရေးအတွက် မြန်မာ့စီးပွား ရေးဘဏ် မန်နေဂျာနှင့် ဝန်ထမ်းများက ကူညီဆောင်ရွက်ပေးလျက်ရှိသည်။

အငြိမ်းစားဝန်ထမ်းများကို ဇူလိုင် ၂၆ ရက်မှ ၂၉ ရက်အထိ နံနက် ၈ နာရီ မှ မွန်းလွဲ ၂ နာရီအထိ တိုကင်စနစ်ဖြင့် ထုတ်ပေးလျက်ရှိပြီး ကိုယ်တိုင်လာ ရောက် ထုတ်ယူရန် အခက်အခဲရှိသူ များကို ကိုယ်စားလှယ်လွှဲစာဖြင့် ထုတ် ပေးလျက်ရှိကြောင်း သင်္ဃန်းကျွန်း မြို့နယ်၊ မြန်မာ့စီးပွားရေးဘဏ်၊ တာဝန်ရှိသူတစ်ဦးထံမှ သိရသည်။

ခရိုင်(ပြန်/ဆက်)