နည်းပြတွေနဲ့ ပရိသတ်တွေရဲ့ ချီးထုပ်ကြီး အေးဂျင့်ရိုင်အိုလာ
ဇူလိုင် ၂၅
စူပါအေးဂျင့်ရိုင်အိုလာကို ဘောလုံးလောကမှာ မသိတဲ့လူ မရှိပါဘူး။ ရိုင်အိုလာလို အေးဂျင့်တစ်ယောက်ဟာ လျှော့တွက် လို့ရတဲ့ထဲပါတဲ့ အေးဂျင့်တော့မဟုတ်ပါဘူး။ ဘောလုံးလောကမှာ လက်ရှိနာမည်ကြီးကစားသမားတွေဖြစ်တဲ့ ဇလာတန်၊ ဟာလန်း၊ ပေါ့ဘာ၊ ဗာရက်တီ၊ ဒွန်နာယူမာတို့အပါအဝင် ကစားသမား ၈၀ လောက်ရဲ့အပြောင်းအရွှေ့တွေကို သူကချုပ်ကိုင်ထားတယ်။
ကစားသမားတစ်ယောက်အပြောင်းအရွှေ့လုပ်လိုက်တာနဲ့ အေးဂျင့်ခအနေနဲ့ ပေါင် ၈ သိန်းလောက်က သူ့အိတ်ကပ်ထဲဝင်သွားတယ်။ သူရဲ့ ပိုင်ဆိုင်မှုက ဒေါ်လာသန်း ၅၀ နီးပါးရှိတယ်။ ဒီနှစ်ဟာလန်းကို အသင်းပြောင်းစေချင်ရင် အေးဂျင့်ခကြီးဘဲသူ့ကိုပေါင်သန်း ၄၀ နီးပါးပေးဖို့ စျေးခေါ်ထားတယ်။ အခုလည်း မန်ယူကွင်းလယ် လူပေါ့ဘာနဲ့ပတ်သတ်ပြီး အေးဂျင့်ခရိတ်ဖို့ PSG နဲ့တိုင်ပင် နေပါတယ်။ တကယ်တော့ မန်ယူအသင်းပေါ့ဘာကိုခေါ်ခဲ့တုန်း ကလည်း သူကကြားထဲကရိတ်ခဲ့ပြီးသားပါပဲ။ နည်းပြတွေနဲ့ပရိသတ်တွေ ကတော့ သူ့ကို"ချီးထုပ်ကြီး"ဆိုပြီး ဂုဏ်နာမပေးထားပါတယ်။
ဘာပဲဖြစ်ဖြစ်ကိုယ်အားပေးတဲ့အသင်းမှာရိုင်အိုလာနဲ့ချိတ်ဆက်ထားတဲ့ ကစားသမားရှိရင်တော့ ခင်ဗျားမျက်ခုံးခပ်လှုပ်လှုပ်ဖြစ်နေမှာ လုံးဝသေချာပါတယ်။ ရိုင်အိုလာဆောင်ရွက်ပေးခဲ့တဲ့ အပြောင်းအရွှေ့ တွေကလည်းအောင်မြင်တာများခဲ့တာအမှန်ပါပဲ။ (SO)
