ဇူလိုင် ၁၄
အင်္ဂလန်နိုင်ငံ၊ ကန့်ကောင်တီ၌ ဇူလိုင် ၁၅ ရက်တွင် စတင်ကျင်းပမည့် The 149th Open ဂေါက်သီးရိုက်ပြိုင်ပွဲ မှ ဂျပန်ဂေါက်သီးရိုက်ကစားသမား မက်ဆူယာမာ နုတ်ထွက်ခဲ့ကြောင်း သိရသည်။
ဂျပန်အဆင့် (၁) ဂေါက်သီးရိုက် ကစားသမားအဖြစ် ရပ်တည်နေသည့် မက်ဆူယာမာသည် ယင်းဂေါက်သီးရိုက် ပြိုင်ပွဲဝင်ရန်အတွက် COVID-19 ရောဂါ စစ်ဆေးမှု ခံယူရာတွင် Positive ရလဒ် ထွက်ပေါ်ခဲ့သောကြောင့် ပြိုင်ပွဲ မှနုတ်ထွက်ခဲ့ခြင်းဖြစ်သည်။
ယင်းသည် ဇူလိုင် ၁ ရက်မှ ၄ရက်အထိ အမေရိကန်နိုင်ငံ၊ မီချီဂန်ပြည်နယ်၌ ကျင်းပခဲ့သည့် Rocket Mortgage Classic ဂေါက်သီးရိုက် ပြိုင်ပွဲတွင် ဝင်ရောက် ယှဉ်ပြိုင်စဉ် COVID-19 ရောဂါကူးစက်ခံခဲ့ရခြင်းဖြစ်သည်။
အဆိုပါပြိုင်ပွဲမှ မက်ဆူယာမာ နုတ်ထွက်ခဲ့သည့်အတွက် ပြိုင်ပွဲကျင်းပ ရေးကော်မတီက ယင်း၏နေရာတွင် အမေရိကန် ဂေါက်သီးရိုက်ကစားသမား ဟားရိုးဗာနာနှင့် အစားထိုးခဲ့ကြောင်း သိရသည်။
(သူရိန်)