အီတလီကိုပင်နယ်တီနဲ့ရှုံးနိမ့်ပြီးနောက် မိမိမှာတာဝန်ရှိကြောင်း ဆောက်ဂိတ် ဝန်ခံ
ဇူလိုင် ၁၃
အင်္ဂလန်အသင်းနည်းပြ ဆောက်ဂိတ်ကတော့ အီတလီအသင်း ကို အရေးနိမ့်ခဲ့ရတဲ့အတွက် မိမိမှာ တာဝန်အပြည့်ရှိကြောင်း ဝန်ခံပြောကြားလိုက်ပါတယ်။ မိနစ် ၁၂၀ အထိ သရေကျနေခဲ့တာ ကြောင့် အီတလီနဲ့အင်္ဂလန်အသင်းတို့ ပင်နယ်တီအဆုံးအဖြတ် ခံယူခဲ့ရတာဖြစ်ပါတယ်။
လုခ်ရှောက အင်္ဂလန်အသင်းအတွက် ပွဲအစ ၂ မိနစ်ခန့်မှာ ဦးဆောင် ဂိုးသွင်းယူပေးခဲ့ပေမယ့် ဘိုနူချီက ချေပဂိုးပြန်လည်သွင်းယူခဲ့တာ ဖြစ်ပါတယ်။ ပစ်ဖို့ဒ် ပင်နယ်တီ ၂ ကြိမ်ကာကွယ်နိုင်ခဲ့ပေမယ့် ရက်ရှ်ဖို့ဒ် ၊ ဆန်ချို နဲ့ ဆာကာတို့ရဲ့ပင်နယ်တီလွဲချော်မှုကနေ အီတလီ အသင်းကို အရေးနိမ့်ခဲ့တာဖြစ်ပါတယ်။
“ကျွန်တော်တို့ သေချာလေးပြင်ဆင်ခဲ့ကြပါတယ်။ ဒါပေမယ့် အရေးနိမ့်ခဲ့တာက ကျွန်တော့်မှာ တာဝန်ရှိပါတယ်။ ပင်နယ်တီကန် ဖို့က ကျွန်တော် ရွေးချယ်ပေးလိုက်တာပါ။ မှန်ကန်တဲ့ ပြောင်းလဲမှုတွေ လုပ်နိုင်ခဲ့ပေမယ့် အဆုံးသတ်မှာတော့ အရေးနိမ့်ခဲ့ပါတယ်။အမှားတွေ အားလုံးအတွက် ကျွန်တော့်မှာ တာဝန်ရှိပါတယ်။ သူတို့လေးတွေ က လေ့ကျင့်ခန်းအစီအစဉ်မှာလည်း ကြိုးစားခဲ့ကြပါတယ်”လို့ ဆောက်ဂိတ်က ပြောကြားခဲ့ပါတယ်.။
အင်္ဂလန်အသင်းခေါင်းဆောင် ဟာရီကိန်းကလည်း အသင်းရဲ့ အားထုတ်မှုကို ဂုဏ်ယူနေပါတယ်။ “ပင်နယ်တီအဆုံးအဖြတ်နဲ့ အရေးနိမ့်ခဲ့တာက နာကျင်စေပါတယ်”လို့ ဟာရီကိန်းက ပြောကြား ခဲ့ပါတယ်။
(SO)
