ဇူလိုင် ၁၂
Goal.Com သတင်းဌာနမှ ဖော်ပြချက်အရဆိုရင် အေစီမီလန် အသင်းဟာ ချဲလ်ဆီးအသင်း တိုက်စစ် မှူးဖြစ်သူ ဂျီရော့ကို ယူရိုငွေ ၂ သန်း ဖြင့်ခေါ်ယူရန် ချဲလ်ဆီးအသင်းနဲ့ သဘောတူညီမှု ရခဲ့ပြီဖြစ်ပါတယ်။ ဒါပေမယ့် အေစီမီလန်အသင်း ဟာဂျီ ရော့နှင့်ပတ်သက်ပြီး ငွေပေးချေရာ မှာတော့ ဦးစွာပထမ ယူရို ၁ သန်းကို ပေးချေရမည်ဖြစ်ပြီး ကျန်ရှိတဲ့ ယူရို ၁ သန်းကိုတော့ ဂျီရော့အနေဖြင့် အေစီမီလန်သို့ရောက်ရှိပြီး နောက်ပိုင်း ခြေစွမ်းပြ ကစားနိုင်မှုအပေါ် မူတည်ကာ ထပ်မံပေးချေရမယ်လို့ သဘောတူညီ ချက်ဖြင့် ပေးချေရမည် ဖြစ်ပါတယ်။
ဒါကြောင့် ချဲလ်ဆီးနှင့် အေစီမီလန် အကြား လက်ကျန်ငွေ ယူရို ၁ သန်း မှာ ဂျီရော့၏ အေစီမီလန်တွင် ကစား သည့် စွမ်းဆောင်မှုအပေါ်တွင်မူတည် နေပါတယ်။ ဂျီရော့ဟာ ချဲလ်ဆီးဘက် မှ လိုလိုလားလားပင် စာချုပ် သက်တမ်း ၁ နှစ်ကို ယူရိုပြိုင်ပွဲ မစခင်ကပင် လာမည့်နှစ်ဘောလုံး ရာသီကုန်သည်အထိ တစ်နှစ်သက်တမ်း တိုးခဲ့ပါတယ်။ အခုအခါမှာတော့ ချဲလ်ဆီးဟာ အသက် ၃၄ နှစ်ရှိပြီဖြစ်တဲ့ ဂျီရော့ကို လာမည့်နှစ်ဘောလုံးရာသီ အကုန်တွင် အလွတ်ပြောင်းရွှေ့ခြင်း မပြုနိုင်တာကြောင့် အခုလိုအေစီမီလန် ထံ ရောင်းထုတ်ခြင်းဖြစ်နိုင်ပါတယ်။ ဒါကြောင့် ဂျီရော့ဟာ အေစီမီလန်မှာ ၂ နှစ်သက်တမ်းရှိ စာချုပ်ဖြင့် ရှိနေရ တော့မှာ ဖြစ်ပါတယ်။ (SO)