အသင်းဘဏ္ဍာရေးကြောင့်တိုက်စစ်မှူးသစ် မခေါ်ဖို့ များတယ်လို့ ဂွါဒီယိုလာ ဝန်ခံ

‌ဇူလိုင် ၁၁

မန်စီးတီးအသင်းဟာ  စပါးအသင်းနဲ့လမ်းခွဲတော့မယ်လို့ လူသိရှင်ကြားထုတ်ဖော် ပြောဆိုထားတဲ့ တိုက်စစ်မှူးဟာရီကိန်းကို ပေါင်သန်း ၁၀၀ နဲ့ကမ်းလှမ်းခဲ့ပေမယ့် စပါးအသင်းကပယ်ချခဲ့ပြီး ရောင်းမှာမဟုတ်ဘူးလို့လဲ သတင်းထွက်နေပါတယ်။ အဂွဲရိုးရဲ့နေရာကိုဖြည့်ဖို့ ဂွာဒီယိုလာဟာတိုက်စစ်မှူးသစ်တစ်ဦးခေါ်ဖို့ပစ်မှတ်ထားနေတာဖြစ်ပါတယ်။ ဒါပေမဲ့လည်းကိုဗစ်ရောဂါဆိုး ကြောင့်အသင်းရဲ့ဘဏ္ဍာရေး  အခြေအနေထိခိုက်မှုတွေ ရှိလာတဲ့အတွက် တိုက်စစ်မှူးသစ်တစ်ဦးခေါ်ဖို့က အခွင့် အရေးနည်းပါးနေပြီလို့ Catalannet work TV3 ရုပ်သံနဲ့အင်တာဗျူးမှာ ဂွါဒီယိုလာကဝန်ခံပြောဆိုခဲ့ပါတယ်။“ကလပ်အသင်းတွေက သတ်မှတ်ထားတဲ့ပြောင်းရွှေ့ကြေး တွေအရ တိုက်စစ်မှူးတွေခေါ်ယူဖို့မဖြစ်နိုင်တော့ပါဘူး။ အဲဒီလောက်ပမာဏအထိ ကျွန်တော်တို့ငွေကြေးသုံးစွဲနိုင်မယ့်အနေအထားမရှိပါဘူး။ အသင်းတိုင်းဟာဘဏ္ဍာ ရေးအကျပ်အတည်းတွေနဲ့ ရင်ဆိုင်နေရတာဖြစ်ပြီး ကျွန် တော်တို့လည်းထူးမခြားနားပါပဲ။ကျွန်တော်တို့အသင်းတိုက်စစ်မှာ ဂျေးဆု၊ဖာရန်တောရက်စ်တို့လိုကစားသမားကောင်းတွေရှိနေပြီး အကယ်ဒမီကအရည်အသွေးမြင့် လူငယ်လေးတွေနဲ့ ပွဲတော် တော်များများမှာ ကစားခဲ့ပါတယ်။ ဒါကြောင့်လာမယ့်ရာသီမှာ တိုက်စစ်မှူးသစ်မခေါ် ဖို့အခြေအနေပိုများနေပါပြီ”။ မန်စီးတီးအသင်းဟာ အခုနွေရာသီဈေးကွက်ထဲမှာ ကြီးကြီးမားမားအပြောင်းအရွှေ့ တစ်ခုမှမလုပ်ရသေးဘဲ အကယ်ဒမီအသင်းအတွက် လူငယ်ကစားသမား‌တွေ ခေါ်ယူတာမျိုးသာရှိနေတာဖြစ်ပါတယ်။                   (SO)