ခင်ဦးမြို့နယ် လုံခြုံရေးဆောင်ရွက်နေသည့် ယာဉ်တန်းကို ချောင်းမြောင်းတိုက်ခိုက်
ခင်ဦး၊ ဇွန် ၂၀
ဇွန် ၁၉ ရက်၊ နံနက် ၁၀ နာရီ ၄၀ မိနစ်အချိန်တွင် လုံခြုံရေးတပ်ဖွဲ့ ဝင်များသည် စစ်ကိုင်းတိုင်းဒေသကြီး၊ ခင်ဦးမြို့ပေါ်ရပ်ကွက်များနှင့် ခင်ဦး မြို့နယ်အတွင်း ရပ်ရွာအေးချမ်းသာယာ ရေးနှင့် တရားဥပဒေစိုးမိုးရေးအတွက် လှည့်ကင်းဆောင်ရွက်နေစဉ် မွန်းလွဲ ၂ နာရီခွဲအချိန်ခန့်တွင် မြင်းဒေါင်း ကျေးရွာနှင့် သာဂရကျေးရွာကြားရှိ မမဲတူတံတားအမှတ် (၂/၁၁)၊ မိုင်တိုင် အမှတ် ၆ မိုင် ၃ ဖာလုံနှင့် ၄ ဖာလုံကြား အရောက်တွင် PDF အကြမ်းဖက်အဖွဲ့ အင်အား ၃၅ ဦးခန့်မှ လုံခြုံရေး ယာဉ်တန်းကို လက်နက်မျိုးစုံဖြင့် ချောင်းမြောင်း ပစ်ခတ်တိုက်ခိုက်ခဲ့ သဖြင့် လုံခြုံရေးတပ်ဖွဲ့ဝင်များက ပြန်လည်ခုခံပစ်ခတ်ခဲ့ရာ မွန်းလွဲ ၂ နာရီ ၄၅ မိနစ်အချိန်တွင် အကြမ်းဖက် အဖွဲ့များ ပြန်လည်ထွက်ပြေးသွားခဲ့ သည်။
ထိတွေ့မှုဖြစ်စဉ်တွင် PDF အကြမ်း ဖက်အဖွဲ့မှ အကြမ်းဖက်သူ အမျိုးသား ၂ ဦးသေဆုံးကာ အကြမ်းဖက်သူ အမျိုးသား ၅ ဦးကို တူမီးသေနတ် ၅ လက်နှင့်အတူ ဖမ်းဆီးရမိခဲ့ပြီး အဆိုပါ နေရာအနီးဝန်းကျင် လမ်းဘေး ဝဲယာတွင် မိုင်း ၁၀ လုံးခန့် ထောင် ထားသည်ကို တွေ့ရှိရသဖြင့် လုံခြုံရေး တပ်ဖွဲ့ဝင်များမှ မိုင်းရှင်းလင်းရေးများ ဆက်လက် ဆောင်ရွက်လျက်ရှိ ကြောင်း သိရသည်။
ဆွေဦး
