ဥဿာမြို့သစ်ရှိ ကညနရုံးကို လက်လုပ်ဗုံးဖြင့် ပစ်ပေါက်မှုတွင် ပါဝင်ခဲ့သူ ဖမ်းဆီးရမိ

ပဲခူး၊  ဇွန် ၁၈

ဇွန် ၁၃ ရက်တွင် ပဲခူးတိုင်း ဒေသကြီး၊ ဥဿာမြို့သစ်၊ ရပ်ကွက် ကြီး (၆)၊ သမိန်ဗရမ်းလမ်းရှိ ကညနရုံး အမှိုက်ပုံအနီး၌ PVC ပိုက်ဖြင့်ပြုလုပ် ထားသည့် ပေါက်ကွဲမှုမရှိသေးသော လက်လုပ်လက်ပစ်ဗုံး တစ်လုံးကိုတွေ့ ရှိရသဖြင့် CCTV မှတ်တမ်းများကို စစ်ဆေးရာ မွန်းလွဲ ၁ နာရီ ၃၅ မိနစ် ခန့်တွင် နယူးဇင်းနစ် 125 အမျိုးအစား မော်တော်ဆိုင်ကယ်အမှတ်၊ ၄၀ယ/ ၁၇၃၀၀ ဖြင့် အမျိုးသား ၂ ဦး ရောက်ရှိ လာပြီး အဆိုပါရုံးအတွင်းသို့ အဖြူ ရောင်ဆိုင်ကယ်ဦးထုပ်ဆောင်းထားသူ တစ်ဦးက  လက်လုပ်ဗုံးဖြင့် ပစ်ခတ် ထွက်ပြေးသွားသည်ကိုတွေ့ ရှိရသည်။

အဆိုပါ ဖြစ်စဉ်နှင့်ပတ်သက်၍ လုံခြုံရေးတပ်ဖွဲ့ဝင်များက လိုက်လံ စုံစမ်းစစ်ဆေးရှာဖွေရာ ညနေ ၄ နာရီခွဲ ခန့်တွင် ဥဿာမြို့သစ်၊ ရပ်ကွက် ကြီး(၉)၊ နဝဒေးလမ်းရှိ အောင်ကိုလင်း (ခ)မင်းရန်ပိုင် (ဘ) ဦးတင်မြင့်၏ နေအိမ်၌ CCTV မှတ်တမ်းတွင် ပါရှိသည့် မော်တော်ဆိုင်ကယ်နှင့် ဆိုင်ကယ် ဦးထုပ်အဖြူရောင်တို့ကို တွေ့ရှိသဖြင့် ဝင်ရောက်စစ်ဆေးရာအောင်ကိုလင်း (ခ)မင်းရန်ပိုင်မှာ နေအိမ်ပြတင်း ပေါက်မှ ခုန်ချထွက်ပြေးသွားခဲ့ပြီး ယင်း ၏ သားဖြစ်သူ ဝဏ္ဏထွန်း အသက် (၁၈) နှစ်ကို တွေ့ရှိ ဖမ်းဆီးရမိခဲ့သည်။ 

ယင်း၏ ပြောကြားချက်အရ ဖခင်ဖြစ်သူနှင့်အတူ ကညနရုံးကို လက်လုပ်ဗုံးဖြင့် ၃ ကြိမ်ပစ်ခတ်ခဲ့ ကြောင်း၊ စေခိုင်းသူမှာ NLD ပါတီ ၏ စည်းရုံးလှုံ့ဆော်မှုဖြင့် CDM ပြုလုပ်တိမ်းရှောင်နေသည့် ပဲခူးခရိုင် ပညာရေးမှူးရုံး အကူဝန်ထမ်း၊ အမှတ် (၄၇၂)၊ ဥဿာမြို့သစ်၊ ရပ်ကွက်(၆)၊ နဝဒေးလမ်းနေ ဖြိုးမင်းဦး (ဘ) ဦးတင်ဦးဖြစ်ကြောင်း၊ ဖြိုးမင်းဦးက ဖောက်ခွဲမှုပြုလုပ်တိုင်း တစ်ကြိမ်လျှင် တစ်သိန်းကျပ်နှင့် ဖောက်ခွဲမှုအောင်မြင် ပါက တစ်သိန်းကျပ် ထပ်မံပေးဆောင် ခဲ့ကြောင်း ဝန်ခံထွက်ဆိုခဲ့ကြောင်း သိရသည်။                

ဆွေဦး