တာချီလိတ် ဧပြီ ၁၅
ရှမ်းပြည်နယ်(အရှေ့ပိုင်း) တာချီလိတ်မြို့နယ်၊ မိုင်းကိုးကျေးရွာအုပ်စု ရန်ကုန်ကျေးရွာတွင် ကျေးရွာအတွင်းသန့်ရှင်းသာယာလှပရေးနှင့် ဖွံ့ဖြိုးတိုးတက်ရေးအတွက် ရွာအဝင်အထွက် လမ်းများအား ကျေးရွာနေပြည်သူများသွားလာမှုအဆင်ပြေ ချောမွေ့စေရေးနှင့် လွယ်ကူမြန်ဆန်စေရေးအတွက် ရွာအဝင်လမ်း ကွန်ကရစ်ခင်းခြင်းကို ဆောင်ရွက်လျက်ရှိသည်။
ကျေးလက်ဒေသဖွံ့ဖြိုးတိုးတက်ရေးဦးစီးဌာ၏ ၂၀၂၀-၂၀၂၁ ဘဏ္ဍာရေးနှစ်အတွင်း ငွေလုံးငွေရင်းခွင့်ပြု ရန်ပိုငွေ ကျပ်သိန်း ၁၀၀ ဖြင့် လမ်းအရှည် ၈၅၀ ပေ၊ အနံ ၁၂ ပေ ၊ ထု ၆ လက်မရှိလမ်းကို ကွန်ကရစ်လမ်း ခင်းခြင်းလုပ်ငန်းဆောင်ရွက်လျက်ရှိသည်။
ကွန်ကရစ်လမ်းခင်းခြင်းလုပ်ငန်းကို “တာချီလိတ်မြို့နယ်၊ မိုင်းကိုးကျေးရွာအုပ်စု၊ ရန်ကုန်ကျေး ရွာမှကျေးရွာ နေပြည်သူများက လုပ်အားဒါနပြု ပူးပေါင်းပါဝင်မှုတို့ဖြင့် ၂၀၂၁ ခုနှစ်၊ ဧပြီ ၁၂ ရက်နေ့က” လုပ်ငန်းများကို စတင်အကောင်အထည်ဖေါ် ဆောင်ရွက်လျက်ရှိကြောင်းလည်း သိရသည်။
အောင်ကျော်မိုး (တာ လေ)