အိမ်မဲ မေ ၁၃
ဧရာဝတီတိုင်းဒေသကြီး မြောင်းမြခရိုင် အိမ်မဲမြို့ အ-ထ-က (၁) ကျောင်း Facility Quarantine Camp တွင် ထားရှိမည့် တရုတ်နိုင်ငံ ဝမ်တိန်မြို့မှ ပြန်လာမည့်နေရပ်ပြန် ၆ ဦးအား မြို့နယ်ကျန်းမာရေးအထောက် အကူပြု ကော်မတီက တာဝန်ရှိသူများက ရန်ကုန်ဘူတာကြီး၌ သွားရောက်ခေါ်ဆောင်ရာ ရထားဆိုက်ရောက် ချိန်တွင် ပါလာခြင်းမရှိပဲ တိမ်းရှောင်သွားရာ ဧရာဝတီတိုင်းဒေသကြီး မယ်ဇလီစစ်ဆေးရေးဂိတ်၌ ပြန်လည် တွေ့ရှိခဲ့ကြောင်း သိရသည်။
အဆိုပါ ခြောက်ဦးမှာ အိမ်မဲမြို့နယ် ကွင်းယားတံခွန်တိုင်အုပ်စုမှ ဦးသိန်းလှိုင်၊ ဦးသိန်းဇော်၊ ဦးအောင်ကျော်မင်းဦး၊ ဦးကျော်နိုင်၊ ဦးဝေလင်းထက်၊ ဦးရန်ပိုင်ထွေးတို့ဖြစ်ကြပြီး အဆိုပါနေရပ်ပြန်များမှာ အိမ်မဲမြို့ အ-ထ-က (၁) Facility Quarantine Camp တွင် ၂၁ ရက် နေရမည်ဖြစ်ကြောင်း သိရသည်။
ချစ်သက်လယ်(အိမ်မဲ ပြန်/ဆက်)