တိုကျို ဇန်နဝါရီ ၃၁
တိုက်ခန်းအတွင်းရှိ ရေခဲပုံးအတွင်း မိခင်၏အလောင်းကိုသိမ်းထားကြောင်း တွေ့ရပြီးနောက် ဂျပန် ရဲတပ်ဖွဲ့က အမျိုးသမီးတစ်ဦးကို ဖမ်းဆီးထိန်းသိမ်းခဲ့သည်။ လွန်ခဲ့သည့် ၁၀ နှစ်တွင် မိခင်ဖြစ်သူ ကွယ်လွန် သွားခဲ့ပြီးနောက် မခွဲနိုင်သည့်အတွက် သားအမိနှစ်ဦးအတူနေသည့် တိုကျိုမြို့နေအိမ်တွင် ဝှက်ထားခြင်း ဖြစ်ကြောင်း အသက် ၄၈ နှစ်ရှိသည့် ယိုရှီနိုက ပြောသည်။
အေးခဲနေသည့် ရုပ်အလောင်းတွင် ထိခိုက်ဒဏ်ရာတစ်ခုခုရခဲ့ခြင်းမတွေ့ရကြောင်း ရဲတပ်ဖွဲ့က ပြောသည်။ ယိုရှီနို၏ မိခင်ဖြစ်သူသေဆုံးရသည့်အကြောင်းရင်းနှင့် သေဆုံးချိန်ကို ဆုံးဖြတ်နိုင်ခြင်းမရှိဟု အာဏာပိုင်များက ပြောသည်။
ယိုရှီနိုအနေဖြင့် အိမ်ငှားခမပေးနိုင်ခြင်းကြောင့် အိမ်ပြင်ထွက်နေရချိန်တွင် ရုပ်အလောင်းကို သန့်ရှင်းရေး ဝန်ထမ်းတစ်ဦးက တွေ့ရှိခဲ့ခြင်းဟု သတင်းများက ဖော်ပြသည်။ ရေခဲပုံးအတွင်း ဝင်ဆံအောင် ရုပ်အလောင်းကို ဒူးကွေး၍ ထည့်ထားခြင်းဖြစ်ကြောင်း ရဲတပ်ဖွဲ့က ပြောသည်။ ယိုရှီနိုမှာ ပြီးခဲ့သည့်သောကြာနေ့က တိုကျိုမြို့အနီးရှိ ချီဘာမြို့ဟိုတယ်တွင် ဖမ်းဆီးခံခဲ့ရခြင်းဖြစ်သည်။
(KNT)