မြန်မာကိုးရီးယားချစ်ကြည်ရေးတံတား(ဒလ)စီမံကိန်းနှင့် မလွတ်ကင်းသော Cable များ Diversion ပြုလုပ်ခြင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ ဆောင်ရွက်သွားမည်

ရန်ကုန် ဇန်နဝါရီ ၂၃

မြန်မာကိုးရီးယားချစ်ကြည်ရေးတံတား(ဒလ)စီမံကိန်းနှင့် မလွတ်ကင်းသော Cable များ Diversion ပြုလုပ်ခြင်းကို ဇန်နဝါရီ ၂၃ ရက် စနေနေ့ ည ၁၀ နာရီအချိန်မှ ဇန်နဝါရီ ၂၄ ရက် တနင်္ဂနွေနေ့ နံနက် ၆ နာရီအချိန်အထိ လုပ်ငန်းဆောင်ရွက်သွားမည်ဖြစ်သည်။ 

လုပ်ငန်းဆောင်ရွက်ရာ၌ 66kV အလုံ-သီတာ(၁)၊66kVအလုံ-သီတာ(၂) ဓာတ်အားလိုင်းများကို ယာယီဓာတ်အားပိတ်၍ လုပ်ငန်းများဆောင်ရွက်သွားမည်ဖြစ်ပြီး လုပ်ငန်းဆောင်ရွက်နေစဉ် အချိန်အတွင်း ဓာတ်အားပြတ်တောက်မှုမရှိစေရေး အတွက် 66kV သာကေတ-သီတာ(၁)၊ 66kV သာကေတ-သီတာ(၂) ဓာတ်အားလိုင်းများပေါ်မှနေ၍ ဓာတ်အားပို့လွှတ်ပေးထားမည်ဖြစ်ကြောင်း၊ လုပ်ငန်းစတင်ချိန် ဇန်နဝါရီ ၂၃ ရက် ည ၁၀ နာရီနှင့် လုပ်ငန်းပြီးဆုံးချိန် ဇန်နဝါရီ ၂၄ ရက် နံနက် ၆ နာရီအချိန်တွင် ဓာတ်အားအဖွင့်/အပိတ်ပြုလုပ်ရန်အတွက် ကျောက်တံတား၊ ပန်းဘဲတန်း၊ လသာ၊ ပုဇွန်တောင်၊ ဗိုလ်တထောင်၊ မင်္ဂလာတောင်ညွန့်၊ ဗဟန်း၊ တာမွေမြို့နယ်များ၌ ခေတ္တခဏဓာတ်အားပြတ်တောက်နိုင်မည်ဖြစ်ကြောင်း ရန်ကုန် လျှပ်စစ်ဓာတ်အားပေးရေးကော်ပိုရေးရှင်းမှ ယင်းတို့၏လူမှုကွန်ရက်စာမျက်နှာမှတစ်ဆင့် ဖော်ပြထားသည်။

(WP)