ရန်ကုန် ဇန်နဝါရီ ၂၃
ဇန်နဝါရီ ၂၂ ရက်နေ့၊ မွန်းတည့်၁၂ နာရီက ပြန်ကြားရေး နှင့် ပြည်သူ့ဆက်ဆံရေးဦးစီးဌာန၊ ကမာရွတ် စာကြည့်တိုက်တွင် "ယာဉ်စည်းကမ်း လမ်းစည်းကမ်း အသိပညာပေး Talk Show ပွဲကို အမှတ်-၃၉၊ ယာဉ်ထိန်းရဲတပ်ဖွဲ့စုမှူး၊ ဒုရဲမှူး ရဲထွန်းအောင် နှင့် စာရေးဆရာမ ပေါက်ပေါက်တို့က ဆွေးနွေးခဲ့ကြသည်။
အဆိုပါ Talk Show ၌ မြန်မာနိုင်ငံ ယာဉ်ထိန်းရဲတပ်ဖွဲ့ ဖြစ်ပေါ်လာပုံ သမိုင်းကြောင်း၊ မျက်မှောက်ကာလ မြန်မာနိုင်ငံ ယာဉ်ထိန်းရဲတပ်ဖွဲ့၏ ရည်မှန်းချက်တာ၀န်များနှင့် လုပ်ဆောင်ချက်များ၊ လမ်းလျှောက်သူများ အတွက် အသိပညာပေး၊ E-bike လျှပ်စစ်စက်ဘီးနှင့် မော်တော်ဆိုင်ကယ်များအတွက် အသိပညာပေး အကြောင်းများ ၃ တန်အထက် ကုန်တင်ယာဉ်သမားများအတွက် ယာဉ်စည်းကမ်း လမ်းစည်းကမ်း အသိပညာပေး စသည်တို့ကို ဆွေးနွေးကြသည်။ အဆိုပါ Talk Show အား ဇန်နဝါရီ ၂၃ ရက် စနေနေ့ ညနေ ၆ နာရီတွင် မြန်မာ့အသံ (MRTV) မှာ ထုတ်လွှင့်ပြသမည်ဖြစ်ပြီး MRTV facebook ကို like လုပ်၍လည်း ၄င်း ထုတ်လွှင့်ပြသမည့် အစီအစဉ်ကို ကြည့်ရှုနိုင်ကြောင်း သိရသည်။ ပေါက်ပေါက်