တန့်ယန်းမြို့တွင် မူးယစ်ဆေးဝါးများနှင့် ဟိုပန်မြို့နယ်တွင် စိတ်ကြွရူးသွပ်ဆေးပြားများ ဖမ်းဆီးရမိ
တန့်ယန်း၊ ဇန်နဝါရီ ၂၀
ဇန်နဝါရီ ၁၈ ရက်၊ မွန်းလွဲ ၁၂ နာရီခွဲအချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင် များပါဝင်သောပူးပေါင်းအဖွဲ့သည် တန့်ယန်းမြို့၊ အမှတ်(၂)ရပ်ကွက်၊ ဝေဠုဝန်ကျောင်းခင်းရှန်၏ နေအိမ်သို့ ဝင်ရောက်ရှာဖွေရာ နေအိမ်အတွင်းမှ စိတ်ကြွရူးသွပ်ဆေးပြား ၂,၀၀၀ ပြားနှင့် ဘိန်းစိမ်း ၀ ဒသမ၂၅ ကီလိုတို့ကို သိမ်းဆည်းရမိခဲ့သဖြင့် ခင်းရှန်(၆၀)နှစ်အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သိရသည်။
ဇန်နဝါရီ ၁၈ ရက်၊ ညနေ ၅ နာရီ ၄၀ မိနစ်အချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဟိုပန်မြို့နယ်၊ မဝမ်ကျေးရွာနေ တယ်ချန်(ခ)လောက်တား၏ တောင်ယာတဲသို့ ဝင်ရောက်ရှာဖွေရာ တဲအတွင်းရှိ ဆာလာအိတ်အတွင်းမှ စိတ်ကြွရူးသွပ်ဆေးပြား ၇,၀၀၀ ပြား သိမ်းဆည်းရမိခဲ့သဖြင့် တယ်ချန်(ခ)လောက်တား(၃၂)နှစ်အား မူးယစ်ဆေးဝါးနှင့်စိတ်ကို ပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သိရသည်။ ဆွေဦး
