ထီးလင်း ဇန်နဝါရီ ၁၆
မကွေးတိုင်းဒေသကြီး ဂန့်ဂေါခရိုင် ထီးလင်းမြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာနမှ ၂၀၂၀-၂၀၂၁ ဘဏ္ဍာနှစ်တွင် ကျေးလက်ဒေသများ ဖွံ့ဖြိုးတိုးတက်ရေးအတွက် လမ်း/တံတား တည်ဆောက်ခြင်း၊ သောက်သုံး/စိုက်ပျိုး ရေရရှိရေးလုပ်ငန်းများ ဆောင်ရွက်လျက်ရှိရာ ထီးလင်းမြို့နယ် ထန်းပင်ကုန်းကျေးရွာ ကျေးလက်ကုန်ထုတ်လမ်းမှာ အရှည်(၁)မိုင် (၃)ဖာလုံ၊ အကျယ်(၁၂) ပေ၊ ထု(၉)လက်မရှိ မြေနီကျောက်စရစ်လမ်းဖြစ်ကာ ယခုအခါ (၈၀)ရာခိုင်နှုန်း ပြီးစီးနေပြီဖြစ်ပြီး အဆိုပါ ကျေးလက်ကုန်ထုတ်လမ်းပေါ်တွင် အလျား ၁၅ ပေ၊ အနံ ၁၄ ပေ၊ အမြင့် ၆ ပေရှိ ကွန်ကရစ်တံတားမှာ တည်ဆောက်ဆဲဖြစ်၍ ၂၀၂၀-၂၀၂၁ ဘဏ္ဍာနှစ်၊ ခွင့်ပြုရန်ပုံငွေ ကျပ် (၃၆ ဒဿမ ၆)သန်းဖြင့် အကောင်အထည်ဖော် ဆောင်ရွက်စဉ်။
အောင်စည်(ပြန်/ဆက်)