နိုဝင်ဘာ ၂၀
လွန်ခဲ့သည့် တစ်ပတ်ကျော်က Xiaomi သည် Mi 10 အသုံးပြုသူ အချို့တို့အတွက် Android 11 OS အခြေပြု MIUI V12.2.2.0.RJBCNXM Stable Update ပေးခဲ့သည်။
သို့သော် Xiaomi က ယင်းဆော့ဝဲလ် Update မှာ Bugs များ ပါဝင်နေမှုနှင့်အတူ Update ပေးမှုကို ရုတ်သိမ်းခဲ့သည်။
ယခုအခါတွင် Xiaomi က ယခုနှစ်၏ အဆင့်မြင့်စမတ်ဖုန်းအတွက် Update ပြန်ပေးလာပြီဖြစ်ပြီး ဖိုင်အရွယ်အစားက 3.6GB ရှိသည်။ အဆိုပါ Update တွင် Android 11 ၏ စနစ်သစ်များဖြစ်သည့် Super Document ၊ Camera VLOG ၊ AI Watermark တို့ ပါဝင်လာကြောင်း သိရသည်။
သို့သော် Xiaomi က Android ဗားရှင်းသစ်ကို Update တင်ရာမှာ ကိုယ်ရေးကိုယ်တာ အရေးကြီးသည့် အချက်အလက်များကို Backup လုပ်ထားရန် သတိပေးထားသလို Startup လုပ်နေစဉ်အတွင်း ဖုန်းပူခြင်းနှင့် စွမ်းဆောင်ရည် ထိခိုက်ခြင်းတို့ ဖြစ်ပေါ်နိုင်ကြောင်း သတိပေးထားသည်။
(သူရိန်)