ထာဝရအကောင်းဆုံးဘောလုံးသမားအဖြစ် သတ်မှတ်ခံချင်ရင် ကမ္ဘာ့ဖလားရဖို့လိုမယ်ထင်
အောက်တိုဘာ ၁၄
ဘောလုံးလောကမှာ ပီလီ၊ ရော်နယ်ဒို(ဘရာဇီး)၊ မာရာဒိုနာတို့လို ကမ္ဘာ့ဖလားရယူပိုင်ဆိုင်ခဲ့ပြီး ထာဝရ အကောင်းဆုံး ဘောလုံးသမားတွေအဖြစ် သတ်မှတ်ထားခဲ့ကြပါတယ်။ လက်ရှိပေါ်တူကီအသင်းရဲ့တိုက်စစ်မှူး ရော်နယ်ဒိုဟာ အသင်းမှာ ၂၀၀၃ က စတင်ကစားခဲ့ပြီးအသင်းကို ၁၇ နှစ်အတွင်း ယူရို(၂၀၁၆) ဖလား၊ နေးရှင်းလိဂ်ဖလားတွေကို ရယူပေးထားသူပါ။ ဒါပေမယ့် ရော်နယ်ဒိုက သူချစ်တဲ့ပရိသတ်တွေမကြားချင်သေးတဲ့ စကားပြောထွက်လာပါတယ်။ ဒါကတော့ ဒီ ၂၀၂၂ ကမ္ဘာ့ဖလားဟာ သူ့အတွက်နောက်ဆုံးနိုင်ငံ တကာပွဲစဉ်တစ်ခုဖြစ်လာမယ်လို့ ထုတ်ဖော်ပြောတဲ့စကားပါဘဲ။ အဲဒီတော့ ရော်နယ်ဒို ၂၀၂၂ မတိုင်ခင်မှာ ပေါ်တူကီ ကမ္ဘာ့ဖလားရဖို့နဲ့ အီရန်ကစားသမားဟောင်း အလီဒါယေးရဲ့စံချိန်ကို ကျော်ဖြတ်ဖို့ ဂိုး ၈ ဂိုးရယူပေးဖို့ လိုနေပါသေးတယ်။ လိုနေတဲ့ ၈ ဂိုးသာသွင်းယူနိုင်ခဲ့ရင် ကမ္ဘာ့နိုင်ငံတကာသွင်းဂိုးအများဆုံး ကစားသမားအဖြစ် မှတ်တမ်းဝင်သွားမှာဖြစ်ပါတယ်။ ကမ္ဘာ့ဖလားသာ ပေါ်တူကီရခဲ့ရင်တော့ ရော်နယ်ဒိုဟာ ထာဝရအကောင်းဆုံးဘောလုံးသမားအဖြစ် မှတ်တမ်းဝင်သွားမှာဖြစ်ပါတယ်။ လောလောဆယ်တော့ ရော်နယ်ဒိုက နိုင်ငံအသင်းကနေ အနားယူမဲ့အချိန်ကို ကြေညာလိုက်တာတော့ စိတ်မကောင်းစရာပဲ ဖြစ်ပါတယ်။ (SO)
