အောက်တိုဘာ ၇၊ ဂျီနီဗာ
၂၀၂၀ ပြည့်နှစ်အကုန်တွင် COVID-19 ကာကွယ်ဆေး အဆင်သင့်ဖြစ်နိုင်သည်ဟု ကမ္ဘာ့ကျန်းမာရေးအဖွဲ့ချုပ် အကြီးအကဲက ပြောသည်။ COVID-19 ကာကွယ်ဆေးရရှိပါက အညီအမျှ ခွဲဝေ၊ ဖြန့်ဖြူးပေးနိုင်ရေးအတွက် ကမ္ဘာ့ခေါင်းဆောင်များ စည်းလုံးညီညွတ်ကြရန်၊ နိုင်ငံရေးကတိကဝတ်ပြုကြရန် WHO ညွှန်ကြားရေးမှူးချုပ် တက်ဒရို့စ်က WHO အမှုဆောင်ဘုတ်အဖွဲ့ အစည်းအဝေးတွင် ပြောခဲ့သည်။
ဥရောပသမဂ္ဂ၏ ကျန်းမာရေးစည်းမျဉ်းထိန်းသိမ်းရေးအဖွဲ့က ပြီးခဲ့သည့်ရက်သတ္တပတ်တွင် AstraZeneca ဆေးဝါးကုမ္ပဏီ၏ AZN.L ကာကွယ်ဆေးကို သုံးသပ်ခဲ့သည်ဟု ပြီးခဲ့သည့်အင်္ဂါနေ့တွင် အမေရိကန်ဆေးကုမ္ပဏီ Pfizer ၏ PFE.N ဆေးဝါးနှင့် ဂျာမနီဆေးကုမ္ပဏီ BioNTech ၏ 22UAy.F ဆေးဝါးကို အချိန်နှင့်တပြေးညီ သုံးသပ်နေသည်ဟု ကြေညာခဲ့သည်။ ဥရောပဆေးဝါးအေဂျင်စီ(EMA)၏ ကြေညာချက်မှာ ဥရောပသမဂ္ဂအဖွဲ့ဝင်နိုင်ငံများတွင် အောင်မြင်သည့် ဆေးဝါးကို ထိုးနှံ့ခွင့်ပြုပေးမည့် လုပ်ငန်းစဉ်ကို အချိန်မြန်ဆန်စေလာဖွယ် ရှိသည်။
လက်ရှိအချိန်တွင် စမ်းသပ်ဆဲ ကာကွယ်ဆေး ၉ မျိုးမှာ WHO ဦးဆောင်သည့် COVAX ကာကွယ်ဆေးထုတ်လုပ်ရေးအဖွဲ့အစည်းလက်အောက်တွင် ရှိနေသည်။ COVAX ကာကွယ်ဆေးထုတ်လုပ်ရေးအဖွဲ့အစည်းက ၂၀၂၁ ခုနှစ်အကုန်တွင် ဆေးအဖုံ ၂ ဘီလျံအထိ ဖြန့်ဖြူးပေးနိုင်ရန် ရည်မှန်းထားသည်။ COVAX ကာကွယ်ဆေးထုတ်လုပ်ရေးအဖွဲ့အစည်းတွင် နိုင်ငံပေါင်း ၁၆၈ နိုင်ငံ ပါဝင်သော်လည်း တရုတ်၊ အမေရိကန်နှင့် ရုရှားနိုင်ငံတို့ ပါဝင်ခြင်းမရှိပေ။
Ref:BBC(KNT)