ကယ်လီဖိုးနီးယား မတ် ၁၃
ကမ္ဘာ့အကြီးဆုံး 3D Printer ရုပ်လုံးကြွ ပုံထုတ်စက်နှင့် ဖန်တီး ထုတ်လုပ်ထားသည့် ဒုံးပျံကို ဖလော် ရီဒါပြည်နယ် ဒုံးပျံလွှတ်တင် စခန်းမှ တစ်ဆင့် ပစ်လွှတ်ရန် စီစဉ်နေကြောင်း ကယ်လီဖိုးနီးယား အခြေစိုက် Relat- ivity Space ကုမ္ပဏီက မတ် ၁၂ ရက်တွင် ကြေညာသည်။
ယင်းသည် အာကာသစူးစမ်းရေး ခေတ်သစ်အတွက် ခြေလှမ်းတစ်ရပ် ဖြစ်လာရန် မျှော်လင့်ကြောင်း၊ အမေ ရိကန်အာကာသ စူးစမ်းရေး ကုမ္ပဏီ တစ်ခုဖြစ်သည့် Relativity Space အနေဖြင့် အဆိုပါ ဒုံးပျံကို မတ် ၈ ရက်က လွှတ်တင်ရန် စီစဉ်ထား သော်လည်း သတ်မှတ်ရက်အတွင်း မလွှတ်တင်နိုင်သဖြင့် ထပ်မံ ကြိုးပမ်း နေခြင်းဖြစ်ကြောင်း သိရသည်။
ဒုံးပျံကို Terran 1 ဟု အမည် ပေးထားပြီး ယင်းကို အောင်မြင်စွာ လွှတ်တင်နိုင်ပါက 3D ရုပ်လုံးကြွပုံ ထုတ်စက်နှင့် ထုတ်လုပ်ထားသည့် ဒုံးပျံသည် အာကာသသို့ ပထမဆုံး သွားရောက်နိုင်မည်ဖြစ်ကာ အာကာသ စူးစမ်းရေးနယ်ပယ်အတွက် ခေတ်သစ် ခြေလှမ်း ဖြစ်လာမည်ဟု Relativity Space ကုမ္ပဏီ အမှုဆောင်အရာရှိ တင်မ်အီလစ် က ပြောသည်။
ရော့ကက်ဒုံးပျံအမြင့်သည် ပေ ၁၁၀ ရှိပြီး ရော့ကက်၏ ၈၅ ရာခိုင်နှုန်း ကို 3D ရုပ်လုံး ကြွပုံထုတ်စက်နှင့် ထုတ်လုပ်ထားကာ အရွယ်အစား သေး ငယ်သော်လည်း ကမ္ဘာပတ်လမ်း အတွင်း အလေးချိန် ပေါင် ၄,၄၀၀ အထိ သယ်ယူနိုင်စွမ်းရှိကြောင်း မစ္စတာ တင်မ် က ပြောသည်။
Terran 1 ရော့ကတ်ကို လွှတ်တင် ရန် ဒေါ်လာ ၁၂ သန်းကုန်ကျမည်ဟု Relativity ကုမ္ပဏီက ခန့်မှန်းထားပြီး ရော့ကက်သည် ကမ္ဘာနှင့်နီးသည့် ပတ် လမ်းအတွင်း အလေးချိန် ကီလိုဂရမ် ၁,၂၅၀ ခန့် သယ်ဆောင် သွားနိုင်ရန် တည်ဆောက် ထားကြောင်း သိရသည်။
(ref: Bloomberg)