‌ကမ္ဘာ့အဆင့် ၁ ဂေါက်သီးရိုက်ကစားသမားနေရာကို စပိန်ကစားသမား ဂျွန်ရမ်း ပြန်လည်ရရှိ

ဇူလိုင် ၂၃

စပိန်ဂေါက်သီးရိုက်ကစားသမား ဂျွန်ရမ်းသည် Official World Golf Ranking က  သတ်မှတ်သည့် ကမ္ဘာ့ အဆင့်   သတ်မှတ်ချက်စာရင်းတွင် ကမ္ဘာ့အဆင့် ၁ ဂေါက်သီးရိုက် ကစား သမားနေရာကို ပြန်လည်ရရှိခဲ့ကြောင်း သိရသည်။

ယင်းသည် The 149th Open ဂေါက်သီးရိုက်ပြိုင်ပွဲ မတိုင်မီရရှိခဲ့သည့် ရမှတ်များအရ ကမ္ဘာ့အဆင့် ၁ နေရာကို ဒက်စတင်းဂျွန်ဆင်ထံ လွှဲပြောင်းပေး ခဲ့ရသော်လည်း The 149th Open ဂေါက်သီးရိုက်ပြိုင်ပွဲတွင် ရရှိခဲ့သည့် ရမှတ်များကြောင့် ကမ္ဘာ့အဆင့် ၁ နေရာ ကို ပြန်လည်ရရှိခဲ့ခြင်းဖြစ်သည်။

ကမ္ဘာ့အဆင့် ၁ ဂေါက်သီးရိုက် ကစားသမားဟောင်း အမေရိကန် နိုင်ငံသား ဒက်စတင်းဂျွန်ဆင်သည် ကမ္ဘာ့အဆင့် ၂ နေရာ၌ ရပ်တည်ခဲ့ပြီး ၂၀၁၉ ခုနှစ်က ပရော်ဖက်ရှင်နယ် ဂေါက်သီးရိုက်လောကသို့ ဝင်ရောက် ခဲ့သည့် အသက် ၂၄ နှစ်အရွယ်ရှိ မိုရီ ကာဝါက ကမ္ဘာ့အဆင့် ၃ နေရာ၌ ရပ်တည်နိုင်ခဲ့သည်။

မိုရီကာဝါသည် The 149th Open ဂေါက်သီးရိုက်ပြိုင်ပွဲတွင် ချန်ပီယံဆု ဆွတ်ခူးခဲ့ပြီးနောက် ကမ္ဘာ့အဆင့် သတ်မှတ်ချက်အရ အဆင့် ၃ နေရာ၌ ရပ်တည်နိုင်ခဲ့ခြင်းဖြစ်သည်။      (သူရိန်)