Huawei က ထုတ်လုပ်လိုက်သည့် Huawei Watch Fit
စက်တင်ဘာ ၂
Huawei ၏ ပထမဆုံး ထောင့်မှန်စတုဂံနာရီအိုးဖြင့် ထွက်ရှိလာသည့်စမတ်နာရီကို UAE တွင် စတင် ရောင်းချသွား မည်ဖြစ်ကြောင်း Huawei က ပြောထားသည်။
နှလုံးခုန်နှုန်း စောင့်ကြည့်စနစ်ပါဝင်သည့် Huawei Watch Fit သည် အခြား Huawei ထုတ် sporty watch များကဲ့သို့ သက်တမ်းကြာကြာ အသုံးခံနိုင်မည့် ဘက်ထရီပါဝင်သည်။ မတူညီသည့်အချက်က Watch GT 2 တို့ကဲ့သို့ Circular ဒိုင်ခွက်မျိုးမဟုတ်ဘဲ ထောင့်မှန်စတုဂံပုံစံ Rectangular display အသုံးပြုထားသည်။
Huawei Watch Fit သည် ၁.၆၄ လက်မ AMOLED display ဖြင့်ထွက်ရှိလာပြီး 280 x 456 pixels ရုပ်ထွက်ပါရှိသည်။ Internal storage 4GB ပါရှိပြီး SMS မက်ဆေ့ပေးပို့ခြင်း ၊ အဝင်ဖုန်းခေါ်ဆိုမှု ဖြေဆိုခြင်းနှင့် social media app များဆီက noti များကြည့်နိုင်မည်ဖြစ်သည်။
နာရီဘေးဘောင်များကို အနည်းငယ်ကွေးညွှတ်ထားပြီး လက်ပတ်ကို အကြမ်းခံ ပိုလီမာဖိုက်ဘာဖြင့်ထုတ်ပေး ထားသည်။ ဘေးတွင်ခလုတ်တစ်လုံးတည်းပါရှိသေးသည်။ Always-On watch face ၆ မျိုး ထည့်ပေးထားပြီး နောက်ထပ်လည်း Watch Face သစ်များကို Watch Face Store ပေါ်မှဒေါင်းလုပ်ဆွဲနိုင်မည်ဖြစ်သည်။
အခြားအသုံးပြုနိုင်မည့် feature များစွာလည်း ယင်းစမတ်နာရီတွင် ပါရှိသည်။ Huawei Watch Fit ကို Graphite Black ၊ Sakura Pink နှင့် Mint Green အေရာင် ၃ ရောင်ဖြင့်ထွက်ရှိလာပြီး ယူအေအီးမှ Huawei ဝက်ဘ်ဆိုက်ပေါ်တွင် တင်ထားသည်။ စက်တင်ဘာ ၃ ရက်တွင် အဆိုပါ စမတ်နာရီဈေးနှုန်းကို ကြေညာပေးသွားမည်ဖြစ်ကြောင်း Huawei က ပြောထားသည်။
(WP)
