ကွမ်းခြံကုန်းမြို့နယ် မြို့မဈေးကြီးအတွင်း COVID-19 ရောဂါ ကြိုတင်ကာကွယ်ရေးလုပ်ငန်းများ အရှိန်အဟုန်မြှင့်ဆောင်ရွက်

ရန်ကုန်  စက်တင်ဘာ   ၂

ရန်ကုန်တိုင်းဒေသကြီး၊ တောင်ပိုင်းခရိုင်၊ ကွမ်းခြံကုန်းမြို့နယ်၊ မြို့မဈေးကြီးအတွင်း COVID-19 ရောဂါ ကြိုတင်ကာကွယ်ရေးလုပ်ငန်းများကို မြို့နယ်စည်ပင်သာယာရေးအဖွဲ့နှင့် ဌာနဆိုင်ရာများပူးပေါင်း၍ အပတ် စဉ်ဆောင်ရွက်လျက်ရှိကြောင်း၊ ပြည်တွင်းကူးစက်မှုများရှိလာသဖြင့် မြို့နယ် COVID-19 ထိန်းချုပ် ရေးနှင့် အရေးပေါ်တုံ့ပြန်ရေးကော်မတီမှဦးဆောင်၍ မြို့နယ်အတွင်းအဓိကကျသော လူအများစုဝေးရာမြို့မ ဈေးကြီးအတွင်း COVID-19 ရောဂါ ကြိုတင်ကာကွယ်ရေးလုပ်ငန်းများကို စက်တင်ဘာ ၁ ရက် နံနက်ပိုင်းမှစ၍ ဌာနဆိုင်ရာများ၊ မြို့နယ်ကြက်ခြေနီတပ်ဖွဲ့ဝင်များ၊ မြို့နယ်မီးသတ်တပ်ဖွဲ့ဝင်များ၊ လူမှုကူညီရေးအဖွဲ့ဝင်များ ပူးပေါင်း၍ အသိပညာပေးခြင်းနှင့် နှာခေါင်းစည်း(Mask)များ အခမဲ့ဖြန့်ဝေပေးခြင်းများ ဆောင်ရွက်ပေးခဲ့ကြောင်း တွေ့ရစဉ်။

ထွန်းထွန်းစိုး(ကွမ်းခြံကုန်း)