အိန္ဒိယနိုင်ငံတွင် အထွတ်အမြတ်ထားသည့် တံတားပေါ် ဝတ်လစ်စလစ်ဗီဒီယိုရိုက်ခဲ့သည့် ပြင်သစ်အမျိုးသမီးကို ဖမ်းဆီး

ဩဂုတ် ၃၁၊ နယူးဒေလီ

အိန္ဒိယနိုင်ငံမြောက်ပိုင်း ရီရှီကက်ရှ်မြို့ရှိ အထွတ်အမြတ်ထားသည့် တံတားတစ်စင်းပေါ်တွင် ဝတ်လစ်စလစ် ဗီဒီယိုရိုက်ခဲ့ခြင်းကြောင့် ပြင်သစ်အမျိုးသမီးတစ်ဦးကို ဖမ်းဆီးထားသည်။ လက်ရှ်မန်ဂျူလာ တံတားပေါ်တွင် ရိုက်ခဲ့သည့် အဆိုပါဗီဒီယိုကို လူမှုကွန်ရက်ပေါ်တွင် တင်ခဲ့သည်။ ပြင်သစ်အမျိုးသမီးမှာ အိန္ဒိယနိုင်ငံ၏ အင်တာနက်ဥပဒေအရ စွဲချက်များရင်ဆိုင်ရမည်ဖြစ်ပြီး အပြစ်ရှိကြောင်း စစ်ဆေးတွေ့ရှိပါက ထောင်ဒဏ် ၃ နှစ်အထိ ချမှတ်ခံရမည်ဖြစ်သည်။

ဂင်္ဂါမြစ်ပေါ်တွင် ဖြတ်သန်းတည်ဆောက်ထားသည့် အဆိုပါကြိုးတံတားမှာ အထွတ်အမြတ်ထားရာနေရာတစ်ခုဖြစ်ပြီး ကမ္ဘာလှည့်ခရီးသည်များကြား ရေပန်းစားသည့်နေရာဖြစ်သည်။ ယင်းအနေဖြင့် ကျောက်မျက်ရတနာလုပ်ငန်းကို အရောင်းမြှင့်တင်ရန် တံတားပေါ်တွင် ဝတ်လစ်စလစ် ဗီဒီယိုရိုက်ခဲ့ခြင်းဟု ပြင်သစ်အမျိုးသမီးက ရဲတပ်ဖွဲ့အား ပြောခဲ့သည်။ လူမှုကွန်ရက်ပေါ်မှ ရုပ်သံမှတ်တမ်းနှင့်ပတ်သက်၍ ရဲတပ်ဖွဲ့ထံ အကြောင်းကြားခဲ့ပြီးနောက် အဆိုပါအမျိုးသမီးကို ပြီးခဲ့သည့်ကြာသပတေးနေ့က ဖမ်းဆီးခဲ့ သော်လည်း နောက်ပိုင်းတွင် ယင်းကို အာမခံဖြင့် ပြန်လွှတ်ပေးခဲ့သည်။

Ref:BBC(KNT)