Charles Schwab Series ဂေါက်သီးရိုက်ပြိုင်ပွဲ ချန်ပီယံဆုကို မစ်ကီဆန် ဆွတ်ခူး
ဩဂုတ် ၂၈
အမေရိကန်နိုင်ငံတွင် ကျင်းပပြုလုပ်ခဲ့သည့် PGA Tour Championship ဂေါက်သီးရိုက်ပြိုင်ပွဲ အမျိုးအစားဖြစ်သည့် Charles Schwab Series ဂေါက်သီးရိုက်ပြိုင်ပွဲတွင် မစ်ကီဆန်က ချန်ပီယံဆုကို ဆွတ်ခူးရရှိခဲ့ကြောင်း သိရသည်။
အဆိုပါပြိုင်ပွဲတွင် မစ်ကီဆန်သည် သတ်မှတ်ရိုက်ချက်ထက် ၂၂ ချက် လျှော့ရိုက်ကာ ချန်ပီယံဆုကို ဆွတ်ခူးရရှိခဲ့ခြင်းဖြစ်ပြီး အမေရိကန်ဂေါက်သီးရိုက်ကစားသမား ပက်ထရိုဗစ်က သတ်မှတ်ရိုက်ချက်ထက် ၁၈ ချက်လျှော့ရိုက်ကာ အမှတ်ပေးဇယား အဆင့် (၂) တွင် ရပ်တည်နိုင်ခဲ့သည်။အဆိုပါဆုသည် မစ်ကီဆန် အတွက် ယခုနှစ် PGA Tour Championship ဂေါက်သီးရိုက်ရာသီတွင် ပထမဆုံးအကြိမ် ချန်ပီယံဆုကို ဆွတ်ခူးနိုင်ခဲ့ခြင်းဖြစ်သည်။
မစ်ကီဆန်က “ဒီရက်သတ္တပတ်ဟာ ကျွန်တော့်အတွက် သိပ်ကို စိတ်ကျေနပ်စရာကောင်းတဲ့ ရက်သတ္တပတ်ဖြစ်ပါတယ်။ ဒီပြိုင်ပွဲမှာ ပါဝင်ယှဉ်ပြိုင်ခဲ့ကြတဲ့ ပြိုင်ပွဲဝင်တွေနဲ့ တွေ့ဆုံခွင့်ရခဲ့လို့ ဂုဏ်ယူမိ ပါတယ်။ ဘယ်လို အခြေအနေပဲဖြစ်ဖြစ် ပြိုင်ပွဲကို ပြီးဆုံးအောင်မြင်အောင် ယှဉ်ပြိုင်နိုင်ခဲ့လို့လည်း ကျေနပ်မိပါတယ်။ ဒီပြိုင်ပွဲမှာ ကစားနိုင်ခဲ့တဲ့ လက်စွမ်းကိုလည်း အားရကျေနပ်မိပါတယ်”ဟု ပြောကြားခဲ့သည်။
(သူရိန်)
