ကမ္ဘာ့ပြေးခုန်ပစ်ကွန်တီနန်တယ်တိုး မီတာ ၁၀၀ နဲ့ ၂၀၀ မှာ ဂျီမီလီစံချိန်တင်ခဲ့
ဩဂုတ် ၂၈
ဟန်ဂေရီနိုင်ငံတွင်ကျင်းပခဲ့တဲ့ ကမ္ဘာ့ပြေးခုန်ပစ်ကွန်တီနန်တယ်တိုးပြိုင်ပွဲမှာ ဗြိတိန်အပြေးသမား အဒမ်ဂျီမီလီဟာ မီတာ ၁၀၀ နဲ့ ၂၀၀ အပြေးပြိုင်ပွဲတွေမှာ ယင်းအတွက်အကောင်းဆုံးစံချိန်များတင်နိုင်ခဲ့ပါတယ်။ အဒမ်ဂျီမီလီဟာ မီတာ ၁၀၀ ပြေးပွဲမှာ ၁၀ ဒသမ ၂၈ စက္ကန့်နဲ့ပြေးနိုင်ခဲ့ပြီး အမေရိကန်အပြေးသမား နိုအာလိုင်လက်စ်နောက်ဒုတိယနေရာရရှိခဲ့ပါတယ်။ မီတာ ၂၀၀ ပြေးပွဲမှာလည်း ၂၀ ဒသမ ၅၆ စက္ကန့်နဲ့ တတိယနေရာရကာ ကမ္ဘာ့ချန်ပီယံ နိုအာလိုင်လက်စ်၊ အီတလီအပြေးသမား ဒီဆာလူတို့နောက်တွင် ရပ်တည် နိုင်ခဲ့ပါတယ်။
သူ့ရဲ့အပြေးသမားဘဝမှာ အကောင်းဆုံးစံချိန်များရယူနိုင်ခဲ့တဲ့နောက်မှာ အဒမ်ဂျီမီလီက “ဒီစံချိန်တွေ ရခဲ့တဲ့အတွက် ကျွန်တော်ကျေနပ်ပါတယ်၊ အမြန်ဆုံးမဟုတ်ခဲ့ပေမယ့် ကျွန်တော့်အနေနဲ့ အရင်ကထက် ပိုမြန်လာခဲ့ပါတယ်”လို့ ပြောဆိုခဲ့ပါတယ်။ သူဟာ စတော့ဟုမ်းဒိုင်းမွန်းလိဂ်ပြိုင်ပွဲတွေမှာလည်း ဝင်ရောက် ယှဉ်ပြိုင်သွားမှာဖြစ်ပါတယ်။ အဒမ်ဂျီမီလီဟာ ပြိုင်ခဲ့တဲ့ပွဲတွေမှာ ပထမ မရခဲ့ပေမယ့် သူ့ရဲ့စံချိန်တွေဟာလည်း အမြန်ဆုံးနဲ့အကောင်းဆုံး စံချိန်တွေဖြစ်ပါတယ်။
(SO)
