မြန်မာနိုင်ငံ ကာယဗလနှင့် ကာယကြံ့ခိုင်မှုအားကစားအဖွဲ့ချုပ်မှ ဂုဏ်ထူးဆောင်နည်းပြ လက်မှတ်နှင့် နည်းပြမှတ်ပုံတင်လက်မှတ်ချီးမြှင့်

ရန်ကုန်၊ ဩဂုတ် ၂၇

မြန်မာနိုင်ငံကာယဗလနှင့် ကာယကြံခိုင်မှုအားကစားအဖွဲ့ချုပ်၏ ဂုဏ်ထူးဆောင်နည်းပြ လက်မှတ် နှင့် နည်းပြမှတ်ပုံတင်လက်မှတ် ချီးမြှင့်ပွဲအခမ်းအနားကို သြဂုတ် ၂၇ ရက်၊ နံနက်ပိုင်းက ရန်ကုန်မြို့၊ မင်္ဂလာတောင်ညွှန်မြို့နယ်ရှိ မအူကုန်းအားကစားခန်းမ၌ ကျင်းပခဲ့သည်။

အခမ်းအနားတွင် မြန်မာနိုင်ငံကာယဗလနှင့်ကာယကြံ့ခိုင်မှုအားကစားအဖွဲ့ချုပ်ဥက္ကဋ္ဌ ဦးညီညီက အမှာစကားပြောကြားပြီး ဂုဏ်ထူးဆောင်နည်းပြလက်မှတ်နှင့် နည်းပြမှတ်ပုံတင်လက်မှတ်ချီးမြှင့်ပေးခဲ့သည်။

အဆိုပါဂုဏ်ထူးဆောင်နည်းပြလက်မှတ်ရရှိသူ ဆရာကြီး မောင်ဗမာစိန်မောင်၊ ဦးရဲမြင့်၊ ဦးကျော်စိန်သန်း ဒေါ်ရီရီဝင်း၊ ရဲမှူးချုပ် မောင်မောင်သန်း(ငြိမ်း)တို့အား လည်းကောင်း အဖွဲ့ချုပ်မှအမှုဆောင်ဒိုင်လူကြီး ၁၈ ဦး တို့အား နည်းပြမှတ်ပုံတင်လက်မှတ်များကိုလည်းကောင်း ပေးအပ်ချီးမြှင့်ခဲ့ခြင်းဖြစ်သည်။

မြန်မာနိုင်ငံကာယဗလနှင့်ကာယကြံခိုင်မှုအားကစားအဖွဲ့ချုပ်အနေဖြင့် လေ့ကျင့်ရေးနှင့် ကိုယ်ဟန်ပြသခြင်း နည်းစံနစ်များကို ကောင်းစွာကျွမ်းကျင်တတ်မြောက်ပြီးဖြစ်သည်ဟု အသိအမှတ်ပြု၍ နည်းပြအရည်အချင်း သတ်မှတ်ချက်များနှင့် မှတ်ပုံတင်ဂုဏ်ထူးဆောင်နည်းပြလက်မှတ်ထုတ်ပေးရေးဆိုင်ရာ လုပ်ထုံးလုပ်နည်းများ နှင့်အညီ ထုတ်ပေးခြင်းဖြစ်ကြောင်းသိရသည်။

AMH(မြို့တော်သတင်း)