ရန်ကုန် ဩဂုတ် ၂၆
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏ အသက် အိုးအိမ်စည်းစိမ်ကို ထိခိုက်စေမည့် မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက် ဖမ်းဆီးခြင်းဆောင်ရွက်ခဲ့ရာ ဩဂုတ် ၂၅ ရက်၊ နံနက် ၄ နာရီ ၅ မိနစ်အချိန်တွင် တာမွေမြို့နယ်ရဲတပ်ဖွဲ့မှတပ်ဖွဲ့ဝင်များသည် တာမွေကြီး(က+ဂ) ရပ်ကွက်၊ ကျိုက္ကဆံလမ်းပေါ်၌ ကောင်းထက် ထံမှ အရိုးအသွား(၇)လက်မခန့်ရှိ ထိပ်ဦးချွန်ဓားတစ်ချောင်းနှင့် ၀၈၀၀ အချိန်တွင် (၅၆)ရပ်ကွက်၊ ဆုပြည့်ရတနာလမ်းမပေါ်၌ ထွန်းထွန်းအောင် ထံမှ အရိုးအသွား(၇)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊
မြောက်ဥက္ကလာပမြို့နယ်ရဲတပ်ဖွဲ့မှတပ်ဖွဲ့ဝင်များသည် နံနက် ၉ နာရီခွဲအချိန်တွင် (ဌ)ရပ်ကွက်၊ သစ္စာပန်း လမ်းမပေါ်၌ ဟိန်းကိုကိုထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းနှင့် ညနေ ၆ နာရီ ၁၀ မိနစ်အချိန်တွင် ရွှေပေါက္ကံမြို့သစ်၊ (၂၂)ရပ်ကွက်ရုံးရှေ့၌ ရန်နိုင်လင်းထံမှ အရိုးအသွား(၁၁)လက်မခွဲခန့်ရှိ ထိပ်ဦး ချွန်ဓားတစ်ချောင်းကိုလည်းကောင်း၊
မှော်ဘီမြို့နယ်ရဲတပ်ဖွဲ့မှတပ်ဖွဲ့မှတပ်ဖွဲ့ဝင်များသည် ၁၃၃၀ အချိန်တွင် လိပ္ပတ်ကျေးရွာ၊ နှစ်ကျိပ်ရှစ်ဆူ ဘုရားလမ်းမပေါ်၌ ထက်ဝေယံထံမှ အရိုးအသွား(၁၂)လက်မခန့်ရှိ ထိပ်ဦးချွန်ဓားတစ်ချောင်းကို လည်းကောင်း၊
ဒဂုံမြို့သစ်(အရှေ့ပိုင်း)မြို့နယ်ရဲတပ်ဖွဲ့မှ တပ်ဖွဲ့ဝင်များသည် ညနေ ၆ နာရီအချိန်တွင် (၁၃၀)ရပ်ကွက်၊ ရေသန့် လမ်းမပေါ်၌ ရဲဇော် ထံမှ အရိုးအသွား(၆)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊
လမ်းမတော်မြို့နယ်ရဲတပ်ဖွဲ့မှတပ်ဖွဲ့ဝင်များသည် ညနေ ၆ နာရီ ၂၀ မိနစ်အချိန်တွင် အောင်ဖြိုးဝေထံမှ အရိုးအသွား (၇)လက်မခန့်ရှိ ထိပ်ဦးချွန်ဓါးတစ်ချောင်းကိုလည်းကောင်း၊ မင်္ဂလာဒုံမြို့နယ်ရဲတပ်ဖွဲ့မှတပ်ဖွဲ့ဝင်များသည် ညနေ ၅ နာရီအချိန်တွင် ရန်ကုန်-ပဲခူးလမ်းမပေါ်၌ ဇော်မင်းထွေးထံမှ အရိုးအသွား(၁၇)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း သိမ်းဆည်းရရှိ၍ သက်ဆိုင်ရာရဲစခန်းအသီးသီးတွင် လက်နက်အက်ဥပဒေပုဒ်မ ၁၉(င)အရ အမှုဖွင့်အရေးယူခဲ့ကြောင်း သိရသည်။
ဆွေဦး