မဟာအောင်မြေမြို့နယ် စိန်ပန်းရပ်ကွက်တွင် မီးလောင်၊ နေအိမ် ၁၀ လုံးဆုံးရှုံး
မန္တလေး ဩဂုတ် ၂၁
မန္တလေးခရိုင်၊ မဟာအောင်မြေမြို့နယ် စိန်ပန်းရပ်ကွက်ကတ္တူရပ် အကွက်(၃၄၂)၊ ၃၇ လမ်းနှင့် ၃၈ လမ်း ကြား၊ ၈၉ လမ်းနှင့် လမ်း ၉၀ ကြားရှိ အိမ်ရှင်(စုံစမ်းဆဲ)၏ နေအိမ်တွင် သြဂုတ် ၂၀ ရက်၊ မွန်းလွဲ ၁ နာရီ ၂၅ မိနစ်ခန့်က မီးလောင်မှုဖြစ်ပွားပြီး အနီးရှိနေအိမ်များကို ကူးစက်ကာ နေအိမ် ၁၀ လုံးမီးလောင်ဆုံးရှုံးခဲ့သည်။ မီးလောင်မှုဖြစ်ပွားရာသို့ မန္တလေးတိုင်းဒေသကြီး မီးသတ်ဦးစီးမှူးဦးသန်းဇော်ဦး၊ မန္တလေးခရိုင်မီးသတ် ဦးစီးမှူး ဦးထက်အောင်တို့ဦးဆောင်၍ သန္ဓေမီးသတ်တပ်ဖွဲ့ဝင် ၁၂၀ ဦး၊ ဒေသအရန်မီးသတ်တပ်ဖွဲ့ဝင် ၂၅၀ ဦး စုစုပေါင်း ၃၇၀ ဦးဖြင့် မီးလောင်မှုအဆင့် Level-3 သတ်မှတ်၍ မီးငြှိမ်းသတ်ယာဉ် ၄၈ စီး၊ မီးသတ်ရေသယ် ယာဉ် ၂၂ စီး အုပ်ချုပ်မှုယာဉ် ၃ စီး၊ မီးသတ်စက်ယာဉ် ၅ စီး စုစုပေါင်း ၇၈ စီးဖြင့် ဝိုင်းဝန်းငြှိမ်းသတ်ရာ မွန်းလွဲ ၁ နာရီ ၄၅ မိနစ်တွင် မီးထိန်းနိုင်ပြီး မွန်းလွဲ ၁ နာရီ ၅၅ မိနစ်တွင် မီးငြိမ်းသွားခဲ့သည်။
မီးလောင်မှုကြောင့် ရတနာဘုမ္မိအနောက် အရန်မီးသတ်စခန်းမှ အရန်မီးသတ်တပ်ကြပ်ကြီးလက်ထက် နောင်မှ မီးငြှိမ်းသတ်စဉ် နောက်စေ့ကွဲဒဏ်ရာရရှိခဲ့သည်။ မီးလောင်မှုနှင့်ပတ်သက်၍ မဟာအောင်မြေ အမှတ်(၇)နယ်မြေရဲစခန်းက မီးလောင်မှုအကြောင်းရင်းကို စစ်ဆေးလျက်ရှိပြီး အိမ်ရှင်(စုံစမ်းဆဲ)ကို ပုဒ်မ- ၂၈၅ ဖြင့် အမှုဖွင့်အရေးယူထားကြောင်း သိရသည်။
မောင်ပြည်သူ(မန္တလေး)
