ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း လက်နက်ကိုင်ဆောင်သူများ ဖမ်းဆီးအရေးယူ
ရန်ကုန် ဩဂုတ် ၁၇
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏ အသက် အိုးအိမ်စည်းစိမ်ကို ထိခိုက်စေမည့် မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက် ဖမ်းဆီးခြင်းဆောင်ရွက်ခဲ့ရာ ဩဂုတ် ၁၇ ရက်၊ ည ၉ နာရီ ၄၀ မိနစ်အချိန်တွင် လှိုင်သာယာ(အရှေ့ပိုင်း)မြို့နယ်ရဲတပ်ဖွဲ့မှ တပ်ဖွဲ့ဝင်များသည် ကြည်ခိုင်ထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်း၊ ည ၁၀ နာရီခွဲအချိန်တွင် စမ်းချောင်းရွာ၊ ဆိပ်ကမ်းသာလမ်းမ ပေါ်၌ တင်ကိုလတ်ထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းနှင့်ည ၁၁ နာရီအချိန်တွင် (၃)ရပ်ကွက်၊ ပီမိုးနင်းလမ်းမပေါ်၌ ထွန်းထွန်းဦးထံမှ အရိုးအသွား (၆)လက်မခန့်ရှိ ထိပ်ဦးချွန်ဓား တစ်ချောင်းကိုလည်းကောင်း၊
သာကေတမြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၉ နာရီခွဲအချိန်တွင် စက်မှုလက်မှုရပ်ကွက်၊ တံတားဟောင်း အနီး လမ်းမပေါ်၌ မိုးကျော်သူထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းကို လည်းကောင်း၊ ဒဂုံမြို့သစ်(တောင်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၉ နာရီ ၅၀ မိနစ်အချိန်တွင် (၁၉)ရပ်ကွက်၊ ပတ္တမြား လမ်းမပေါ်၌ လင်းလင်းဦးထံမှ အရိုးအသွား(၈)လက်မခွဲခန့်ရှိ ထိပ်ဦးချွန်ဓားတစ် ချောင်းကိုလည်းကောင်း၊
သင်္ဃန်းကျွန်းမြို့နယ်၊ သုဝဏ္ဏနယ်မြေရဲစခန်းမှ တပ်ဖွဲ့ဝင်များသည် ည ၁၁ နာရီ ၁၅ မိနစ်အချိန်တွင် (ခ)ရပ်ကွက်၊ အာသာ ဝတီလမ်းမပေါ်၌ မြဦးထံမှ အရိုးအသွား(၇)လက်မခန့်ရှိ ထိပ်ဦးချွန်ဓားတစ်ချောင်းကို လည်းကောင်း၊ မင်္ဂလာဒုံမြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၁၀ နာရီ ၂၀ မိနစ်အချိန်တွင် နွယ်ခွေကျေးရွာ၊ ညောပင်လမ်းမပေါ်၌ ဖိုးသကျွန်ထံမှ အရိုးအသွား(၁၀)လက်မခန့်ရှိ ထိပ်ဦးချွန်ဓာညးတစ်ချောင်းနှင့် ည ၁၀ နာရီ ၃၅ မိနစ်အချိန်တွင် စစ်သင်္ချိုင်းရှေ့၌ ခိုင်မျိုးလင်းထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းနှင့် ထောက်ကြန့်နယ်မြေ ရဲစခန်းမှတပ်ဖွဲ့ဝင်များသည် ၂၂၄၀ အချိန်တွင် ပုလဲ(၃)ရပ်ကွက်၊ အမှတ်(၃)လမ်းမကြီး ဘေး၌ ကျော်စိုးဝင်းထံမှ အရိုးအသွား(၂၆)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း သိမ်းဆည်း ရရှိ၍ သက်ဆိုင်ရာရဲစခန်းအသီးသီးတွင် လက်နက်အက်ဥပဒေပုဒ်မ ၁၉(င)အရ အမှုဖွင့်အရေးယူခဲ့ကြောင်း သိရသည်။ ဆွေဦး
