TikTok ကို ဝယ်ယူရန် စိတ်ဝင်စားဟု Microsoft ပြော
ဩဂုတ် ၆
Microsoft ၏ စီအီးအို ဆတ်ယာနာဒယ်လာကိုယ်တိုင်က TikTok အား ဝယ်ယူရေးအတွက် ByteDance ဥက္ကဋ္ဌ နှင့် ဆွေးနွေးမှုများပြုလုပ်နေကြောင်း အတည်ပြုလာသည်။ Microsoft က TikTok ကို ဝယ်ယူလိုက်ပါက လုံခြုံရေးအတွက် တစ်စုံတစ်ရာ စိုးရိမ်စရာမရှိတော့သည့်အပြင် အားလုံးအတွက် အကျိုးရှိလာမည်ဟု ယုံကြည်နေသည်။
Microsoft နှင့် ByteDance တို့အကြား ဆွေးနွေးမှုကို စက်တင်ဘာ ၁၅ ရက်တွင် အပြီးသတ်ရန် စီစဉ်ထား သည်။ ဆွေးနွေးမှုအောင်မြင်မည်ဆိုပါက Microsoft က TikTok ၏ လုပ်ငန်းရှိသည့် ဈေးကွက်အချို့တို့မှာ ဦဆောင်လုပ်ဆောင်သွားမည်ဖြစ်သည့်အပြင် အမေရိကန် စီးပွားရေးလုပ်ငန်းရှင်များကိုလည်း ရင်းနှီးမြှုပ်နှံရန် ဖိတ်ခေါ်သွားမည်ဖြစ်ကြောင်း သိရသည်။
Microsoft က အမေရိကန်အပြင် နယူးဇီလန်၊ ကနေဒါ၊ ဩစတြေးလျတို့မှာလည်း လုပ်ဆောင်ရန် စီစဉ်ထားပြီး ByteDance ကတော့ ကျန်ဈေးကွက်များမှာ ဆက်လက်ဦးဆောင် လုပ်ဆောင်သွားမည်ဖြစ် ကြောင်း သိရသည်။
(သူရိန်)
